ކީރިތި ޤުރުއާނުން ބައެއް އުނިކުރުމަށް އިންޑިއާގެ ސުޕްރީމް ކޯޓަށް މައްސަލަ ހުށަހެޅި ފަރާތް ޖުރިމާނާކޮށް މައްސަލަ ކޯޓުން ބޭރުކޮށްލައިފިއެވެ. ޔޫޕީގެ ޝީޢާއިން ގެ ވަގުފު ބޯޑުން ވައްކަން ކޮށްފައިވާ އެ ބޯޑްގެ ކުރީގެ ރައީސް ސައްޔިދު ވަސީމް ރިޒްވީ ވަނީ ކީރިތި ޤުރުއާންގެ ބައެއް އާޔަތްތަކަކީ ފުށުއަރާ އަދި ބައިމަދު މީހުންގެ ހައްގަށް އުލިކަން ލިބޭ އާޔަތްތަކެއް ކަމަށް ބުނެ ދައުވާ ވައްދާފައެވެ.
ގުޅުން ހުރި ލިޔުން:
ޝީއާ ވަގުފު ބޯޑުން ވައްކަން ކުރި މީހާ ހުށަހެޅި ދައުވާ
ރިޒްވީގެ މިއަމަލަކީ، އިންޑިއާގައި ދީނީ ހަމަނުޖެހުން އުފައްދައި ބައިބައި ކޮށްލުމަށް ކުރެވޭ މަސައްކަތެއް ކަމަށް ބުނެ މައިނޯރިޓީ ކަމިޝަނުންނާއި ގާނޫނީ ވަކީލުންނާއި މުސްލިމުންނާއި ބީޖޭޕީން ވަނީ މިކަން ކުށްވެރިކޮށްފައެވެ.
އިއްޔެ ސުޕްރީމް ކޯޓުން ބޭއްވި އަޑު އެހުމުގައި، މި މައްސަލައަކީ ސަމާލުކަން ހޯދަންވެގެން ހުށަހަޅާފައިވާ ތާކުތާކު ނުޖެހޭ ދައުވާއެއް ކަމަށް ބުނެ، މައްސަލަ ބޭރުކޮށްލައި، ކޯޓުގެ ވަގުތު ބޭކާރުކުރުމުން ދައުވާ ހުށަހެޅި ފަރާތް ބައިލައްކަ ރުޕީސްއިން ޖުރިމާނާ ކޮށްފައި ވެއެވެ.
