ޕާލަމެންޓް މެންބަރުންގެ ތަޢްލީމީ ފެންވަރު ހާމަ ކުރުމަކީ އެމީހުންގެ ޒާތީ މިނިވަންކަމަށް އަރައިގަތުން ކަމަށް ބުނެ، މެންބަރުންގެ ތަޢުލީމީ ފެންވަރު ހާމަ ކުރުމަށް ލަންކާ ޕާލަމެންޓުން ދެކޮޅު ހަދައިފިއެވެ.
ސަންޑޭ ޓައިމްސްއިން މަޢްލޫމާތު ހޯދައި ލިބިގަތުމުގެ ހައްގުގެ ދަށުން މެންބަރުންގެ ތަޢްލީމީ ފެންވަރާ ބެހޭ މަޢްލޫމާތު ހޯދުމަށް ހުށަހެޅުމުން، ބުނެފައި ވަނީ ތަޢްލީމީ ފެންވަރަކީ ޒާތީ މަޢްލޫމާތެއް ކަމުގައވެ. އަދި އެކަމަށް އެދޭފަރާތަށް އެމަޢްލޫމާތު ދިނުމަށްވުރެން މަސްލަހަތު ބޮޑީ އެމަށއްލޫމާތު ނުދިނުން ކަމަށްވެސް ބުނެފައި ވެއެވެ.
މީގެ އިތުރުން ބުނެގައިފައި ވަނީ ސްރީލަންކާގެ ގާނޫނުއަސާސީގެ މާއްދާ 90 ގައި މެންބަރަކަށް ވާ މީހާގެ ތަޢްލީމީ ފެންވަރު ޝަތުރު ކޮށްފައެއް ނުވެއެވެ. އަދި އެމީހާގެ ޝަތުރެއް ކަމަށް ބުނެފައިވަނީ އޭނާއަކީ ވޯޓްލުމަށް ޝަތުރު ހަމަވާ މީހަކަށް ވުން ކަމަށެވެ.
މި މަށޢްލޫމާތާއެކު ހޯދަން އެދިފައިވާ މުސާރައާއި އިނާޔަތްތަކުގެ މަޢްލޫމާތު ދީފައި ވެއެވެ. އެގޮތުން ކޮންމެ މެންބަރަކަށްވެސް މަހަކަށް އެލަވަންސެއްގެ ގޮތުގައި 54285 ރުޕީސްއާއި އޮފީސް ހިންގުމަށް އެއްލައްކަ ރުޕީސް ދޭ ކަމަށް ބުނެފައި ވެއެވެ.
އަދި ހާޒިރުވާ ޕާލަމެންޓްގެ ކޮންމެ ޖަލްސާއަކަށް އެމްޕީއަކަށް ދުވާލަކަށް 2500 ރުޕީސްއާއި ޕާލަމެންޓް ޖަލްސާތައް ނުބާއްވާ ދުވަސްދުވަހު ކޮމިޓީ ބައްދަލުވުމަށް ހާޒިރުވާނަމަ ކޮންމެ ދުވަހަކަށް 2500 ރުޕީސް ދިނުމަށްވެސް ހަމަޖެހިފައި ވެއެވެ. އަދި ޕޯސްޓޭޖް ފެސިލިޓީއަށް ކޮންމެ އަހަރަކަށް އެމްޕީއަކަށް 350 ހާސް ރުޕީސްއާއި މޮބައިލް ފޯނާއި ލޭންޑް ލައިނަށް ކޮންމެ މަހަކަށް 50 ޙާސް ރުޕީސް ދިނުމަށްވެސް ހަމަޖެހިފައި ވެއެވެ.
ޕާލަމެންޓް މެންބަރުންގެ ތެރޭން ޖިނާއީ ކުށެއްގައި ތުހުމަތު ކުރެވިފައި ވަނީ ކިތައް މީހުންތޯއާއި ދައުވާ ކުރެވެމުން ދަނީ ކިތައް މީހުންނަތޯ އެހުމުން ބުނެފައި ވަނީ އެ މަޢްލޫމާތު ޕާލަމެންޓްގައި ނެތް ކަމަށެވެ.
މެމްބަރުންގެ ކޮއްތާ ބެހޭ ގޮތުން ސުއާލުކުރުމުން ބުނެފައިވަނީ، ޕާލަމެންޓް ކޮމްޕްލެކްސްގައި ކޮންމެ އެމްޕީއަކަށް 200 ރުފިޔާގެ ރޭޓުން ކެވޭނެ ކަމަށެވެ. އަދި މި ރޭޓަކީ ޕާލަމެންޓަށް އަންނަ ނޫސްވެރިންނާއި ޒިޔާރަތް ކުރާ މީހުންނާއި ސްޓާފުންނަށް ވެސް ހަމަޖެހިފައި އޮންނަ ރޭޓެއް ކަމަށެވެ. ކޮންމެ އެމްޕީއަކަށްވެސް ދުވާލަކަށް އެންމެ ގިނަވެގެން 12 މީހުން ކެންޓީނަށް ކާން ދޭން ގެނެވިދާނެއެވެ. މިއަށް ފައިސާ ދައްކަން ޖެހޭނީ އެމްޕީ އަމިއްލައަށެވެ.
އެމްޕީންނަށް ދޭ ޕެޓްރޯލް އެލަވަންސާ ބެހޭ ގޮތުން ބުނެފައި ވަނީ އެ އެލަވަންސް ހިސާބު ކުރަނީ އެ އެމްޕީ އެއްގެ ދާއިރާއާއި ޕާލަމެންޓާ ދޭތެރޭގެ ރާސްތާ ހިސާބު ކޯށްގެންނެވެ. ކޮލޮމްބޯ ޑިސްޓްރިކްޓުން ހޮވިފައިވާ އެމްޕީންނަށް 289.94 ލީޓަރު މަގުން މަކަލަށް ޑީސަލް ދެވެއެވެ. އަދި ގަމްޕަހާއާއި ކާލޫތަރަ ޑިސްޓްރިކްޓްގެ އެމްޕީންނަށް މަހަކަށް 344.58 ލީޓަރު ޑީސަލް ދެވެއެވެ.
ގުޅުން ހުރި ލިޔުން:
ލަންކާ ޕާލަމެންޓްގައި ޒުވާބު ގަނޑެއް
އަދި ކޮންމެ މަހަކަށް ޑްރައިވަރ އެލަވަންސްގެ ގޮތުގައި ޕާލަމެންޓަށް ހާޒިރުވާ ކޮންމެ ދުވަހަކަށް 2500 ރުޕީސް ދެވެއެވެ. އަދި އެމްޕީއަކަށް ސަރުކާރުން ޑްރައިވަރެއް ހަމަޖައްސާދީފައި ނުވާނަމަ، އެލަވަންސްގެ ގޮތުގައި 3500 ރުޕީސް ދެވެއެވެ. މީގައި އެންޓަރޓެއިންމެންޓް އެލަވަންސްގެ ގޮތުގައި 1000 ރުޕީސް ހިމަނާފައި ވެއެވެ. އަދި ކޮންމެ މަހަކު ޓްރާންސްޕޯޓް އެލަވަންސްގެ ގޮތުގައި ދިހަ ހާސް ރުޕީސް ދެވެއެވެ. މިއީ މިއީ ކޮންމެ އެމްޕީއަކަށް ހަތަރު މުވައްޒަފެއްގެ ޓްރާންސްޕޯޓް ޚަރަދު ކަވަރު ކުރުމަށް ދެވޭ އެލަވަންސެއްކަމަށްވެސް ސަންޑޭ ޓައިމްސްގެ އާރްޓީއައި އަށް ޖަވާބު ދެމުން ބުނެފައި ވެއެވެ.
