ސައޫދީ ޒުވާނަކު ރައްޓެއްސެއްގެ އަތުން ގަނެގެން އޮޅު ކުރަމުން ދިޔަ ސިންގާއެއް އޭނާއަށް ހަމަލަ ދިނުމުން މުލަ ރޯދަ ދުވަހު ޒުވާނާ މަރުވެއްޖެއެވެ. ރިޔާޟްގެ ސަލާ އަވަށުގައި މލަ ރޯދަ ދުވަހު ފަތިހު ހިނގި މި ހާސިދާގައި 25 އަހަރުގެ ޒުވާނާ ސިންގާއަށް ކާންދޭން ފެށުމުން ސިންގާ އެސޮރުގެ ހެނދުނުގެ ނާސްތާއަކަށް ބަލައި ގަތީ ޚުދު ސާހިބު މީހާއެވެ.
ޒުވާނާގެ ހަޅޭކަށް އޭނާގެ ހަތަރު ޚާދިމުން ފުލުހުންނަށް ގުޅައި އޭނާ ސަލާމަތް ކުރަން މަސައްކަތް ކުރިއެވެ. ފުލުހުން ވަގުތުން އެތަނަށް ގޮސް ސިންގާގެ ގަޔަށް ބަޑި ޖަހައި ޒުވާނާ ސަލާމަތް ކުރި އޭނާގެ އަޖަލު އޮތީ ޖެހފައެވެ.
ސައޫދީ އަރަބިއްޔާއާއި ގަލްފްގެ ގައުމުތަކުގައި މުއްސަނދިން ކަން ދެއްކުމަށް ބިޔަ ވަލު ޖަނަވާރުން އޮޅު ކޮށްގެން ގެންގުޅއެވެ.
މިދިޔަ އަހަރު މާޗް މަހު ސައޫދީ އަރަބިއްޔާގައި ފާސްކޮށްފައިވާ ގާނޫނަކުން ޖަނަވާރުން އޮޅު ކޮށްގެން ގެން ގުޅުމަކީ މަނާ ކަމެކެވެ. އަދި މިފަދަ ކަމެއް ކުރާ ފަރާތެއް ފަސް އަހަރަށް ޖަލަށް ލުމާއެކު 30 މިލިއަން ރިޔާލަ އިން ޖުރިމާނާ ކުރުމަށްވެސް ނިންމާފައި ވެއެވެ.
