އިންޑިއާގެ ހަރިދްވާރްގައި ހިނގަމުންދާ ކުމްބް މޭލާ ފެސްޓިވަލްގައި ގިނަ ބަޔަކު ޕޮޒިޓިވްވެ، ފާދިރީންތަކެއް މަރުވުމާ ގުޅިގެން ކުމްބް މޭލާ ހުއްޓާލުމަށް ބޮޑެތި ފައްޅިތަކުން ގޮވާލައިފިއެވެ.
ބޮޑެތި ފައްޅިތަކުން ކުމްބް މޭލާ ހުއްޓާލުމަށް ގޮވާލާފައި ވަނީ އިސް ދެ ފާދިރީން ކޮވިޑް19 ގައި މަރުވުމާ ގުޅިގެންނެވެ.
12 އަހަރަކުން އެއްފަހަރު ބާއްވާ އަޅުކަމުގެ އެއްވުމެއް ކަމަށްވާ ކުމްބް މޭލާ ފަށާފައި ވަނީ އެޕްރީލް 1ގައެވެ. އަދި ނިމޭނީ މަހުގެ ފަހު ތާރީޚްގައެވެ.
ފާދިރީން ދެކޭ ގޮތުގައި މޭލާގެ ބައިވެރިންގެ ތެރޭގައި ކޮވިޑް19 ފެރުމުގެ ސަބަބުން އެމީހުންނަށްވެސް އެއިން ނުރައްކާ ކުރިމަތިވެފައި ވެއެވެ. ނަމަވެސް ބައެއް ފަރާތްތަކުން މިކަމަށް އަދި އާނބަސް ބުނެފައެއް ނުވެއެވެ.
މޭލާ ހުއްޓާ ލުމަށް ގޮވާލުމުން ފާދިރީންގެ މެދުގައި ދެބަސްވުން އުފެދިފައި ވެއެވެ. ބައެއް ފާދިރީން ބުނެފައި ވަނީ މޭލާ ހުއްޓާ ލުމަށް އެންގޭނީ އުއްތުރަކާންދްގެ ސަރުކާރަށް އެކަންޏެވެ.
ޓައިމްސް އޮފް އިންޑިއާއިން ބުނާ ގޮތުގައި ކުމްބް މޭލާއާއި ވެސްތް ބެންގޯލްގެ އިލެކްޝަންގެ ސަބަބުން އިންޑިއާގައި ކުރިއަށް އޮތް ދުވަސްތަކުގައި ކޮވިޑް19 ބާރަށް ފެތުރިގެންދާނެއެވެ. މޭލާއިން ބޭރުވާ މީހުން ބަސްތަކުންނާއި ރޭލުން އެކި ސަރަހައްދު ހުރަސްކޮށް ދަތުރުކުރުމުން މި ބަލި ކުރިއަށް އޮތް ދުވަސްތަކުގައި ގައުމުގެ އެކި ހިސާބުތަކުގައި އިތުރަށް ފެތުރިގެންދާނެ އެވެ. އެހެންވެ، މިކަމުގައި ސީރިއަސް ފިޔަވަޅުތަކެއް އެޅުމަށް ޓައިމްސް އޮފް އިންޑިއާއިން ވަނީ އިންޑިއާގެ ބޮޑު ވަޒީރަށް ގޮވާލާފައެވެ.
އިންޑިއާގެ ވެރިރަށް ނިއުދިއްލީގައި ޗީފް މިނިސްޓަރ އަރްވިންދް ކެޖްރިވާލް ވިދާޅުވަނީ ހޮސްޕިޓަލްގެ އެނދުތައް ހުސްވެ ހަސްފަތާލްތަކުން އޮކްސިޖަން ހުސްވަމުންދާ ކަމަށެވެ. އޭނާ ވިދާޅުވަނީ އެންމެނ ފހުންވެސް 24 ހާސް މީހުން ޕޮއިޓިވް ވެފައިވާ ކަމަށެވެ.
އިންޑިއާގެ ބޮޑު ވަޒީރުވެސް ކޮވިޑް ރިވިއު މީޓިންގ އެއް ބޭއްވުމަށް ނިންމާފައި ވެއެވެ. ސިޔާސީ ދީނީ ސަބަބުތަކާ ހެދި ކޮވިޑް ފެތުރުން ހުއްޓުމަށް ފިޔަވަޅު އެޅުމަށް މަރުކަޒީ ސަރުކާރު ވަނީ ނުކުޅެދިފައެވެ.
