ރަޝިޔާގެ ރައީސް ޕޫޓިންގެ ވާދަވެރިޔާ އެލެކްސީ ނާވްލްނީ ޖަލުގައި ނިޔާވެއްޖެނަމަ ރަޝިއާއިން އެކަމަށް އަގު ދައްކަން ޖެހޭނެ ކަމުގެ އިންޒާރު އެމެރިކާއިން ދީފިއެވެ. ނޭޝަނަލް ސެކިއުރިޓީ އެޑްވައިޒަރ ޖޭކް ސުލިވަން ވިދާޅުވީ ބުނަން ބޭނުންވާ ވާހަކައެއް މިހާރު ރަޝިޔާއަށް ވާނީ އެންގިފައެވެ، އަދި އެވާހަކަ ފާޅުގައި ހާމަ ކުރާކަށް ބޭނުމެއް ނުވާ ކަމަށެވެ.
ނާވްލްނީ ބަނޑުހައި ހޫނުކަމުގެ ހަޅުތާލެއް ފަށައިގެން އުޅޭތާ މިހާރު ތިން ހަފްތާ ވެއްޖެއެވެ.
އޭނާގެ ސަޕޯޓަރުން ވަނީ އެޕްރީލް 21 ގައި ރަޝިޔާގެ އެކި ހިސާބުތަކުގައި މުޒާހަރާ ކުރުމަށް ގޮވާލާފައެވެ.
ރަޝިޔާގެ އެޖެންޓުން އޭނާ މަރާލުމަށް ޒަހަރުލުމަށްފަހު ބޭސްފަރުވާއަށް ގައުމުން ބޭރުގައި ހުރުމަށްފަހު އޭނާ ވަނީ އެނބުރި ގައުމަށް ގޮސްފައެވެ. އެއަށްފަހު ރަޝިޔާ ސަރުކާރުން ވަނީ އޭނާ ހައްޔަރުކޮށް ޖަލަށް ލާފައެވެ.
