އިންޑިއާގެ ސިއްހީ ދާއިރާއަށް ބޭނުންވާ ސާމާނު، އަމިއްލަ ވިޔަފާރިވެރިން ޗައިނާއިން ގެންނަމުން ދަނިކޮށް، ޗައިނާއިން އިންޑިއާއަށް ކާގޯ ދަތުރުތައް ހުއްޓާލައިފިއެވެ. މުދާތައް ގެންނަމުން ދިޔަ، ސިޗުއާން އެއަރލައިނުން ވަނީ 15 ދުވަހަށް އިންޑިއާއަށް ދަތުރުތައް ހުއްޓާލާފައެވެ.
ޕްރެސް ޓްރަސްޓް އޮފް އިންޑއާއިން ބުނިގޮތުގައި އެފަރާތަށް ލިބިފައިވާ ޗައިނާ އެއަރލައިނުން ފޮނުވާފައިވާ ސިޓީގައި ބުނެފައި ވަނީ މިފިޔަވަޅު އަޅާފައި ވަނީ ޗައިނާއަށް ބަލި އެތެރެ ވިޔަ ނުދިނުމުގެ ގޮތުންނެވެ.
އިންޑިއާއަށް އެއަރ ކާގޯ ހުއްޓާލިއިރު، މި އެއަރލައިނުން ވަނީ އަގުތައް 35 އާ 40 އިންސައްތައަށް ބޮޑު ކޮށްފައެވެ.
ޗައިނާއިން މި ދަތުރުތައް ހުއްޓާލާފައި ވަނީ ފާޅުގައި އިންޑިއާއަށް އެހީވާނެ ކަމަށް ޗައިނާއިން ސްޓޭޓްމަންޓްތައް ދިނުމަށް ފަހުއެވެ.
