އިޓަލީގެ ވެރިރަށުގައި މަރުވާ މީހުންގެ ޖަނާގެ ކަންތައްތައް ފުރިހަމަ ނުކުރެވުމުން މައްސަލަ، ބޮޑު ފަޟީހަތަކަށް ވެއްޖެއެވެ. ކޮވިޑް19ގެ ސަބަބުން މަރުވާ މީހުން އިތުރުވެފައިވާ އިރު، ރޯމްގައި މީހުން އަންދާ އެންމެ މަރުކަޒެއް ހުންނައިރު އެތަންވެސ ްވަނީ ގަބުރުތަކުން ތޮއްޖެހިފައެވެ. ގަބުރުސްތާނުތަކުގައި އިތުރަށް މީހުން ވަޅުލާނެ ތަނެއްވެސް ނެތެވެ.
މީހުންގެ ޝަކުވާތަކާއެކު ޖަނާޒާގެ ކަންތައްތަކުގެ ދަތިކަން ސަރުކާރުގެ ސަމާލުކަމަށް އައުމުން ރޯމްގެ މޭޔަރ ވަނީ މައްސަލަ ދިރާސާ ކުރުމަށް ބައްދަލުވުމެއް ބާއްވާފައެވެ. މޭޔަރ، ވަރޖީނިއާ ރެޖީ ވަނީ ރައްޔިތުންގެ ކިބައިން މައާފަށް އެދިވަޑައިގެންފައެވެ. މި ބައްދަލުވުމުގައި ބައިވެރިވި އެމްޕީއަކު ބުނިގޮތުގައި އޭނާ ގެ 22 ފެބްރުއަރީގައި މަރުވި ދަރިފުޅު، އަންދާލެވުނީ 20 ދުވަސް ފަހުންނެވެ. އަދިވެސް އޭނާ ހުރީ އޭނާގެ އަޅިތައް ވަޅުލާނެ ތަނެއް ލިބުމުގެ އިންތިޒާރުގައެވެ.
ރޯމްގައި ހުންނަ މީހުން އަންދާ މަރުކަޒުގައި ދުވާލެއްގެ މައްޗަށް އެންމެ ގިނައިން އަންދާލެވެނީ 50 މީހުންނެވެ. ސާމާނުތައް ބާވެފައި ވުމާއެކު އެމަރުކަޒު މަސައްކަތް ކުރަނީ އޭގެ ދެބައިކުޅައެއް ބައި ހަކަތައިގައެވެ.
ޝަކުވާ ކުރި މީހުން ބުނާ ގޮތުގައި އެމީހުންގެ މައްޔިތުންގެ ގަބުރުތައް އަދިވެސް ގުދަން ތަކުގައި ބާއްވައިގެން އަންދާލައި ނުވަތަ ވަޅުލެވޭނެ ދުވަހެއްގެ އިންތިޒާރުގައި އެމީހުން ތިބީ ކަމަށެވެ. އަންދަން ހަވާލުކޮށްފައިވާ ގަބުރުތައް އަންދާލުމަށްފަހު އަޅިތައް ނުލިބގެން ބަލާލި އިރު އެމީހުންވެސް އަދިވެސް އަންދާވެލިފައި ނުވަނީއެވެ.
މޭޔަރ ވިދާޅުވާ ގޮތުގައި މައްސަލަ ބޮޑުވެގެން އުޅެނީ، ކޮވިޑްއާ ހެދިއެވެ. ރޯމްގެ ގަބުރުސްތާނުތައް ފުރިފައި ވުމާއެކު މީހުން ވަޅުވުމަށް އިތުރު ބިންތައް ހަމަޖައްސަން ޖެހޭކަމަށް ގަބުރުސްތާން ބަލަހައްޓާ މުނިސިޕަލް ސާވިސްއިން ބުނެއެވެ.
