އެމެރިކާއަށް ހެޔޮ އެދުނު މީހަކަށް ބަދަލު ހެޔޮކަމެއްވެސް ކޮށެއް ނުދެވެއެވެ. މިކަމުގެ ސާފު ހެކި ފެންނާން ހުރީ ޝަކީލް އަފްރީދީގެ ނިކަމެތި ކަމުންނެވެ. އޭނާ އަށް ވަނީ އިނގިރޭސި އިސްތިއުމާނުގެ އަންޒަމާނު ކަރައިގެ މިހާރުގެ މީހުން އަޑުވެސް އަހާފައި ނުވާ ގާނޫނެއްގެ މާއްދާތަކަށް ހަވާލާދީ 33 އަހަރަށް ޖަލަށް ލާފައެވެ.
ދެ މީޓަރުގެ ކުޑަ ގޮޅިއެއްގައި އޭނާ ވަގުތު ހޭދަކުރަނީ ޚަތިމަކާއެކުގައެވެ. މީހުންނާ ވާހަކަ ދައްކައި ފޮތް ކިޔާކަށް ހުއްދައެއް ނޯވެއެވެ.
ޝަކީލް އަފްރީދީ އަކީ އުސާމާ ބިން ލާދިން ހޯދައި ދިނުމަށް އެމެރިކާއަށް އެހީވި ޑޮކްޓަރެވެ. އޭނާއަކީ އެމެރިކާ މީހުން ބުނާ ގޮތުން ބަޠަލެކެވެ. ޕާކިސްތާން މީހުންނަށް ޚާއިނެކެވެ.
އެބޮޓްއާބާދުގައި ބިން ލާދިން ހުރިކަމަށް ލަފާ ކުރެވިގެން އޭނާ ހުރި ގޭ، އެމެރިކާގެ ޖާސޫސީ އިދާރާއަށް އަންދާސާ ކުރެވިގެން އެގެއަށް މީހުން ވައްދަން ބޭނުންވިއެވެ. މަސައްކަތުގެ އުނދަގޫ ކަމުން އެމެރިކާއިން ޝަކީލް ކައިރީގައި އެދުނީ ފޭކް ވެކްސިން ޕްރޮގްރާމެއް ހިންގައި އެ ގޭގައި އުޅޭ މީހުންގެ ޑީއެންއޭގެ ސާމްޕަލެއް ލިބޭތޯ ބަލައި ދިނުމަށެވެ. ޝަކީލް ހިންގީ ހެޕެޓައިޓިސް ވެކްސިން ދިނުމުގެ މަޝްރޫއެކެވެ.
އެމެރިކާއިން ބިން ލާދިން މަރާލުމަށްފަހު ޕާކިސްތާނުން ޝަކީލު އުފުރާލި އެވެ.
ޕާކިސްތާނުން ބުނަނީ އޭނާ އުފުރައި ނުލިނަމަ، މީހުންގެ އަތުން އޭނާ މަރުވީސް ކަމަށެވެ.
އެމެރިކާއިން ކުށްވެރިން ބަދަލު ކުރާ ވާހަކަ ދައްކައެވެ. އެކަމަކު ސީއައިއޭއަށް ވާގިވެރިވި މީހާއަށް އަޅާލެވޭ ގޮތެއް ސޫޕަރުޕަވަރަކަށް ނުވެއެވެ.
