ޕާކިސްތާންގެ މުލްތާންގެ ޒުވާން އަނަހެނެއްގެ ކައިރިން އިންނަން އެހި ފިރިހެނާއަށް އޭނާ ނޫނެކޭ ބުމުން އޭނާގެ މޫނަށް އެސިޑް ޖަހައިފިއެވެ. އުމުރުން 24 އަހަރުގެ ޒުވާން އަންހެނާ ވަނީ މުލްތާންގެ ޕާކް އިޓާލިއަން ބަރން ސެންޓަރ ހަސްފަތާލްގައި ފަރުވާއަށް ގެންގޮސްފައެވެ. ފުލުހުން ބުނިގޮތުގައި މޫނު އަނދައިގެން ދިއުމޖުގެ އިތުރުން ފުރާނައަކަށް ނރައްކަލެއް ނެތެވެ.
ޖެލަސް ފިރިހެނާ ހޯދުމަށް ފުލުހުން ވަނީ މަސައްކަތް ފަށާފައެވެ.
ޕާކިސްތާންގައި އަންހެނުންނާ ދޭތެރޭ ދެކޭ ގޮތް ބަދަލުކުރުމަށް ކަނބަލުން ގެންދަނީ މަސައްކަތް ކުރަމުންނެވެ. އަދި ގޯނާއާއި ފުރާނައަށް ނުރައްކާ ވުމަކީ އަންހެނަކު އަންހެނަކަށްވީތީ މި ގައުމުގައި އާންމު ކަމެކެވެ.
އިއްޔެ ކަރާޗީގެ ޑިފެންސް ކޮލޮނީގައި އުމުރުން 26 އަހަރުގެ ޒުވާން އަންހެނަކު ވަނީ މަރާލާފައެވެ. އޭނާ މަރާލާފައި ވަނީ އޭނާއާ ކައިވެނި ކުރަން އެދުނު ދެ ފިރިހެނުންނަށް އޭނާ ނޫނެކޭ ބުނުމުންނެވެ. މި ދެ ފިރިހެނުންނަކީ ދެ ރައްޓެހިންނެވެ.
އާއިލާއިން ބުނިގޮތުގައި އަންހެން ކުއްޖާގެ ގެއަށް ފަތިސްގަނޑީގައި ވަދެ ބަޑިން ހަމަލަދީ އޭނާ މަރާލީ ކަމަށެވެ.
މާއިޒާ ޒުލްފިގާރު، 26އ އަކީ، ޕާކިސްތާން ދަރިކޮޅުގެ އިނގިރޭސި ރައްޔިތެކެވެ. އޭނާ އަކީ ޔުނިވަރސިޓީ އޮފް ވެސްޓް ލަންޑަންގެ ލޯ ގްރެޖުއޭޓެކެވެ. ޕާކިސްތާނަށް ކައިވެންޏަކަށް އައިސް އަދި މަޑުކޮށްގެން ހުއްތައި އޭނާގެ އަޖަލު އައީ، ކައިވެންޏަށް ނޫނެކޭ ބުނުމުންނެވެ. ޖެލަސީއަކީ އަނެކާގެ ފުރާނައަށް ނުރައްކާތެރި ބައްޔެކެވެ!
