ފިލިޕީންސްގެ ކަނޑުގެ ސަރަހައްދުން ޗައިނާގެ މަސްބޯޓްތަކުން ން މަސްވެރިކަން ކުރާތީ، އެމީހުން އެތަނުން ބޭރުވުމަށް ފިލިޕީންސް އިން ހުތުރު ބަހުން ބެއިޖިންގއަށް އަންގައިފިއެވެ.
ގަދަބާރު ފިލިޕީންސްގެ ސަރަހައްދަށް ވަދެ މަސްވެރިކަން ކުރަމުންދާ ޗައިނާގެ ބޯޓްތަކަކީ ޗައިނާ ގެ ކަނޑުގެ ސިފައިންނާއި ކޯސްޓްގާޑުން ވާގިވެރިވެރި ވެގެން ވަދެގެން އުޅޭ ބައެކެވެ.
އެއްފަހަރާ އެތައް ސަތޭކަ އުޅަނދު ހަރަކާތްތެރިވާ މި މަސްބޯޓްތަކަށް މިހިސާބުގައި ކިޔައި އުޅެނީ ޗައިނާގެ މަސްބޯޓްތަކުގެ މިލީޝިއާ ކަމުގައެވެ.
ފިލިޕީސްއިން ތަކުރާރުކޮށް މި މީހުން ބޭރުވާން އެންގުމުންވެސް ބޭރުނުވުމުން، އެންމެ ފަހުން ޚާރިޖީ ވަޒީރު ތެއޮޑޯރޯ ލޫސިން ޖޫނިއަރ ވަނީ ޓުއިޓާގައި ސާފުބަހުން ޗައނާއަށް ބޯން ދެއްވާފައެވެ.
އާންމު ކޮށް ހަރުކަށި އިބާރާތުން ޑިޕްލޮމޭޓުން މިފަހަކަށް އައިސް ބަސްމަގު ގެންގުޅޭ ޗައިނާއަށް ވަނީ މިވާހަކަފުޅު ނުތަވަސް ކަމަކަށް ވެފައެވެ. ގްލޯބަލް ޓައިސްގެ އެޑިޓޯރިއަލް ގައި އަދި ޗައިނާގެ ފޮރިން މިނިސްޓްރީގެ ތަރުޖަމާނު ވަނީ މިވާހަކައާ ޗައިނާއިން ގަޔާނުވާ ކަން އަންގާފައެވެ.
ޗައިނާއިން އެދިފައި ވަނީ ޑިޕްލޮމެޓިކް އާދަކާދައަށް އިޙުތިރާމް ކުރުމަށެވެ.
ދެކުނު ޗައިނާ ކަނޑުގައި ފިލިޕީންސްގެ ސަރަހައްދާއި ޗައިނާ ސަރަހައްދާ ދެމެދު ދެބަސްވުން އޮވެއެވެ. ފިލިޕީންސްއިން އިންޓަރނޭޝަނަލް ކޯޓަށް ހުށަހެޅުމުން މައްސަލަ ވަނީ ފިލިޕީންސާ އެއްކޮޅަށް ނިންމާފައެވެ.
2016 ން ފެށިގެން ފިލިޕީންސްއިން ވަނީ ޗައިނާގެ އަމަލުތަކަށް 76 ފަހަރު އިހުތިޖާޖް ކޮށްފައެވެ.
