ފުރަތަމަ ފަހަރަށް އިންޑިއާއާއި އޮސޮޓްރޭލިއާ އަދި ފްރާންސްގެ ޚާރިޖީ ވަޒީރުން ބައްދަލު ކުރައްވައިފިއެވެ. މިތިން ވަޒީރުން ބައްދަލު ކުރެއްވީ ލަންޑަންގައި ކުރިއަށް ދިޔަ ޖީ7 ގެ ބައްދަލުވުމުގެ ހަވާސާގައެވެ.
ޖީ7 ގައި ހިމެނޭ ގައުމުތަކަކީ ކެނެޑާ، ފްރާންސް، ޖަރމަނީ، އިޓަލީ، ޖަޕާން، ޔޫކޭ، އެމެރިކާ، އެވެ. މިއަހަރު ވަނީ އިންޑިއާއާއި އޮސްތްރޭލިއާއަށާއި ދެކުނު ކޮރެއާއަށާއި ދެކުނު އެފްރިކާއަށް ދައުވަތު ދީފައެވެ. އަދި މީގެ އިތުރުން އާސިއަންގެ ސެކެޓްރީ ޖެނެރަލްއަށްވެސް ދައުވަތު ދީފައި ވެއެވެ.
ޖީ7ގެ ގައުމުތަކުގެ ފުރަތަމަ ބައްދަލުވުން އޮތީ 2019ގައި ފްރާންސްގައެވެ.
މީގެ ކުރިން އިންޑިއާއިން ވަނީ އޮސްޓްރޭލިއާއެކު މަޝްވަރާތައް ބާއްވާފައެވެ. މި މަޝްވަރާތަކުގައި ވާހަކަ ދެއްކިފައި ވަނީ ކަނޑުގެ ސަރަހައްދުގެ ސަމާލަތީ ކަންތައްތަކާއި ތިމާވެށްޓާއި ބައިނަލްއަގްވާމީ ގުޅުމާ ބެހޭ ގޮތުންނެވެ.
މި ތިން ގައުމުގެ ޚާރިޖީ ވަޒީރުން އިންޑޯ ޕެސިފިކްއާ މެދު ވެސް މަޝްވަރާތައް ބޭއްވެވިއެވެ. އޮސްޓްރޭލިއާއާއި ފްރާންސަކީ އިންޑޯ ޕެސިފިކް އިނިޝިއޭޓިވްގެ ބައިވެރިންނެވެ. ފަރަންސޭސިވިލާތުން އިންޑޯ ޕެސިފިކް އިނިޝިއޭޓިވްގައި ބަވެރިވުން އަންގާފައިވަނީ 2019 ގައެވެ.
އިންޑިއާއާއި ފަރަންސޭސިވިލާތުން ވަނީ ދާދި ފަހުން ގުޅިގެން އަސްކަރީ ތަމްރީންތައް ބާއްވާފައެވެ.
އޮސްޓްރޭލިއާއާއި އިންޑިއާއަކީ ޗައިނާގެ ވާދަވެރިކަމާ ދެކޮޅަށް އެކުލަވާލާފައިވާ ހަތަރު ގައުމުގެ އިއްތހާދުގެ ބައިވެރިންނެވެ.
