ސްރީލަންކާގައި ކޮވިޑް-19 އަށް ފައްސިވާ ނިސްބަތް އިންޑިއާއަށް ވުރެން މަތިކަމަށް އެގައުމުގެ ހެލްތު އިންސްޕެކްޓަރޒް އެސޯސިއޭޝަނުން ބުނެފިއެވެ. ސްރީލަންކާގައި ސިންގަޅަ ޓެމިލް އައު އަހަރު ފާހަގަ ކުރިފަހުން ދުވާލެއްގެ މައްޗަށް އެވަރެޖްކޮށް 1900 މީހުން ދަނީ ފައްސި ވަމުންނެވެ. އިންޑިއާގައި ދުވާލެއްގެ މައްޗަށް ފައްސިވާ ނިސްބަތް އުޅެނީ ތިން ލައްކައިގައެވެ.
ހެލްތު އިންސްޕެކްޓަރޒް އެސޯސިއޭޝަނުން ބުނާ ގޮތުގައި މި ނިސްބަތް ނަގާފައި ވަނީ މިލިއަނަކުން ފައްސިވާ ނިސްބަތަށް ބަލައިގެންނެވެ. އަދި މިދާ ރޭޓްގައި ސްރީލަންކާގައި ހަސްފަތާލު އެނދުތައް ފުރޭނެ ކަމަށްވެސް އެފަރާތުން ލަފާ ކުރެއެވެ.
ރަޝިޔާއިން ލިބިފައިވާ ސްޕްޓްނިކް ވެކްސިން މިއަދުން ފެށިގެން ސްރީލަންކާގައި ދޭން ފަށާނެއެވެ.
