ޗައިނާއިން މިޔަންމާ ގައި ހިންގާ ޕްރޮޖެކްޓްތައް ހުއްޓުމާއެކު މިޔަންމާ ދޫކޮށް ބޭރުވާން ވިސްނައިފިއެވެ. ޗައިނާގެ އިންވެސްޓަރުން ވަނީ މިޔަންމާގެ ކަރަންޓް އުފައްދާ ދާއިރާގައި ބޮޑުކޮށް އިންވެސްޓް ކޮށްފައެވެ. ނެޗިރަލް ގޭސްގެ ދާއިރާއާއި ސޯލާ ހަކަތައިގެ ދާއިރާގައިވެސް މިޔަންމާގައި ޗައިނާ ވަނީ އިންވެސްޓް ކޮށްފައެވެ. ފެބްރުއަރީ 1 ގައި ސިފައިން ގެނައި އިންގިލާބުން ޗައިނާއަށް ޓަކައި ކަންކަން ވަނީ ބޮއްސުން ލައިގެން ގޮސްފައެވެ.
ޗައިނާގެ އިންވެސްޓަރުންގެ ތެރޭން ހޮންގކޮންގގައި ރެޖިސްޓާ ކޮށްފައިވާ ވީޕަވަރ އަކީ ސިފައިންނާ ގާތް ކުންފުންޏެކެވެ. މިކުންފުނިން ވަނީ ސިފައިންގެ ބިންތައްވެސް ކުއްޔަށް ހިފާފައެވެ. އިންސާނީ ހައްގުތަކަށް މަސައްކަތް ކުރާ ފަރާތްތަކުން ވަނީ ސިފައިންނާ ގުޅިގެން އުޅޭ އިންވެސްޓަރުންނަށް އެމީހުންގެ ރުޅި އަމާޒުކޮށްފައެވެ.
މިޔަންމާ ގައި އިންވެސްޓް ކޮށްފައިވާ ޖަޕާނާއި ސިންގަޕޯރގެ އިންވެސްޓަރުން ބުނެފައި ވަނީ ސިފައިންނާ މުއާމަލާތު ކުރަން ބޭނުން ނުވާ ކަމުގައެވެ.
މިޔަންމާ ސިފައިންނަކީ ބޮޑު ވިޔަފާރިކުންފުންޏެއް ފަދަ ބައެކެވެ. ގައުމުގެ ހުރިހައި ވިޔަފާރިއެއްގައި އެމީހުން ގެ އަތެއް އޮވެއެވެ.
2019 ގައި އދން ފޮނުވި ފެކްޓް ފައިންޑިންގ މިޝަންގެ ރިޕޯޓްގައި ވެސް ބުނެފައި ވަނީ 297 މިލިއަން ޑޮލަރުގެ ވީޕަވަރ ގެ އިންވެސްތްމެންތްގައި ސިފައިންގެ ހިއްސާއެއް އޮންނަ ކަމަށެވެ.
ސިފައިން ވިޔަފާރި ނިކުމެ، މަދަނީ މުއައްސަސާތަކާ ވާދަކުރާ ކޮންމެ ތަނެއްގައި އެމީހުން ސިޔާސީ މަސައްކަތުގައި ބައިވެރިވުމަކީ އާދައިގެ ކަމެއް ކަމަށް ފެނެއެވެ.
އދގެ ރިޕޯޓް ބުނާ ގޮތުން މިޔަންމާ އިން ރޮހިންގާ މުސްލިމުން ގެ ހަތް ހާސް މީހުން ބޭރުމުގެ މަސައްކަތުގައި ހޭދަތައް ކޮށްފައި ވަނީ ސިފައިންނާއި ސިފައިން ބައިވެރިވާ ކުންފުނިތަކުން ހޭދަކޮށްގެންނެވެ.
މުސްލިމުން ބޭރުކޮށްފައި އެމީހުންގެ ބިންތަކުގައި ރާކީން ސަރަހައްދުގައި އިންވެސްޓް ކުރުމަށް ފައިސާ ޚަރަދުކޮށްފައި ވަނީވެސް މިޔަންމާގެ ސިފައިންނާ ގުޅިފައިވާ ޗައިނާގެ ކުންފުނިތަކުންނެވެ. މިކަންތައްތަކުގެ ނިވާފަތް ގަނޑަކަށް ގެންގުޅެނީ މިޔަންމާ އިކޮނިމިކް ކޯޕަރޭޝަން އެވެ.
އެމެރިކާއިން ވަނީ މާޗް 25 ގައި މިޔަންމާ އިކޮނޮމިކް ކޯޕަރޭޝަންއާ ދެކޮޅަށް ދަތިކުރުމުގެ ފިޔަވަޅު އަޅާފައެވެ.
