ޔަހޫދީ ސިފައިން މަސްޖިދުލް އަގްސާ ތެރެއަށް ވަދެ، މަސްޖިދުލް އަގްސާގެ ސަރަހައްދުގެ ބޭރުގެ ހުރިހައި ގޭޓްތައް ބަންދުކޮށްފިއެވެ. ފަލަސްތީނުގެ ފަރާތްތަކުން މީސް މީޑިއާގައި ހާމަކޮށްފައިވާ ފޮޓޯތަކުން ފެންނަނީ މަސްޖިދުލްއަގްސާގެ ހަރިއްމަ ތެރެ، ހަނގުރާމައިގެ މައިދާނެއް ހެންނެވެ.
އިސްރޭލު ސިފައިން ވަނީ ދާދި ދެންމެއަކު އަޑު ބޮންތައް ބޭނުން ކޮށް ފަލަސްތީނު މީހުން ފަހަތަށް ޖައްސާލަން މަސައްކަތް ކޮށްފައެވެ.
އިރުމަތީ ގުދުސްގެ ޝެއިޚް ޖައްރާޙް އަވަށުން ޔަހޫދީ ވަޒަންވެރިންނާއި އިޒްރޭލު ސިފައިން މަސައްކަތް ކުރަމުން ދަނީ ފަލަސްތީނު މީހުން ބޭރު ކުރުމަށެވެ. އިއްޔެ އިރުއިއްސުނު އިރު އާންމު ރައްޔިތުންގެ ސުފުރާ ހަދައިގެން ހާމަ ތަންތާގައި މީހުން ރޯދަ ވިއްލަން ތިއްބައި ޔަހޫދީ ވަޒަން ވެރިން ވަނީ މޭޒުތައް ފުށުން ޖަހައި ފަލަސްތީނު މީހުންނަށް ހަމަލަ ދީފައެވެ. ކައިރީގައި ޒައެނިސްޓް ސިފައިން ބަލަހައްޓައިގެން ތިއްބެވެ. މިއަދު ފަލަސްތީނު މީހުން ބަނީ ގައުމީ ލަވަ ޖަހައި ނަށައި ހަދާފައެވެ.
ރޯދައަށް ހަނދު ބެލީއްސުރެން ޒަޔަނިސްޓުންގެ މި ދުއްތުރާތައް ފަލަސްތީނު މީހުން ތަހައްމަލު ކުރަމުންދާއިރު ސައޫދީ އަދި ޔޫއޭއީގެ ހިލަމެއް ނުވާލަން ފާހަގަ ވެއެވެ.
ކުވެއިތާއި ތުރުކީވިލާތުން ވަނީ ޔަހޫދީންގެ އަމަލުތައް ކުށްވެރިކޮށްފައެވެ.
