ފިކުރީ މުދަލު ހައްގު ދޫކޮށްލުމަށް ދުނިޔޭގެ ވިޔަފާރި ޖަމުއިއްޔާއިން ޑަބްލިއުޓީއޯއިން ނިންމައިފިނަމަ، އޭގެ ސަބަބުން އިންޑިއާއަށާއި އެހެން ގައުމުތަކަށް ބޭނުންވާ ވެކްސިން ފަސޭހަކަމާއެކު ލިބިގެންދާނެ ކަމަށް އިންޑިއާއިން ބުނެއެވެ. އިންޑިއާއާއި ދެކުނު އެފްރިކާއިން ގުޅިގެން ހުށަހަޅާފައި ވަނީ ކޮވިޑް19އަށް ބޭނުން ކުރާ ވެކްސިން ގެ ފިކުރީ ހައްގުތައް ލުއިކޮށް ދިނުމަށެވެ.
މި ދގައުމުން މިކަމަށް އެދި ހުށަހަޅާފައި ވަނީ މިދިޔަ އަހަރުގެ އޮކްޓޯބަރު މަހުގެ ތެރޭގައެވެ. އެމެރިކާއިން ވަނީ ކޮވިޑް19އަށް ބޭނުން ކުރާ ވެކްސިންގެ ފިކުރީ ހައްގު ދޫކޮށްލާނެ ކަމަށް ބުނެފައެވެ. ހުލަނގުގެ ބައެއް ގައުމުތަކުން މިކަމަށް އެއްބަސްވާ އިރު، ޖަރުމަންވިލާތް ފަދަ ގައުމުތަކުން ވަނީ މިކަމާ ދެކޮޅު ހަދާފައެވެ.
އިންޑިއާއާއި ދެކުނު އެފްރިކާގެ ހުށަހެޅުމަށް 120 ގައުމަކުން ތާއީދު ލިބިފައި ވެއެވެ.
އިންޑިއާއިން ބާރު އަޅަމުން ދަނީ އަވަސް ގޮތަކަށް ފިކުރީ ހައްގާ މެދު ގޮތެއް ނިމި، ވެކްސިން އެންމެނަށް ލިބޭ ގޮތަކަށް އިންޑިއާއިން މަސައްކަތް ކުރުމެވެ.
