ނޭޕާލްގައި ދުވާލަކަށް ޕޮޒިޓިވް ވާ މީހުންގެ އަދަދު ދިހަ ހާހާ ގާތް ކޮށްފިއެވެ. އިންޒާރުދޭ ފަރާތްތަކުން ބުނެފައިވާ ގޮތުގައި ނޭޕާލް ވެގެންދާނީ ދެވަނަ އިންޑިއާއަށެވެ. އަދި ދުވާލެއްގެ މައްޗަށް ރަސްމީ ހިސާބުތައް ދައްކާ ގޮތުން މަރުވާ މީހުންގެ އަދަދު އުޅެނީ 50ން މަތީގައެވެ.
އެޕްރީލް 18ން ފެށިގެން އެއްވަރަކަށް އޮވެގެން ނޭޕާލުން ޕޮޒިޓިވް ވާ އަދަދު ދަނީ އުތުރު ވަމުންނެވެ. އެއިރު ޕޮޒިޓިވް ވެފައި ވަނީ 1015 މީހުންނެވެ.
މިހާރު ހަސްފަތާލު ތަކަށް ބާރު ބޮޑުވެ ސިއްހީ ދާއިރާއަށް ނުކަތާ ހިސާބަށް ގޮސްފައިވާ ކަމަށްވެސް ބުނެފައި ވެއެވެ.
ނޭޕާލްގެ އަދަދުތަކަށް ބަލާއިރު ކޮންމެ ހާހަކަށް 20 މީހުން ދުވާލެއްގެ މައްޗަށް ފައްސި ވަމުން ދެއެވެ. މިއީ މީގެ ދެހަފްތާ ކުރިން އިންޑިއާއިން ރިޕޯޓް ކޮށްފައިވާ މިންވަރެވެ.
ރެޑްކްރޮސްއާއި ރެޑް ކްރެސެންޓުން ބުނާ ގޮތުން ނޭޕާލްގައި ކުރާ ޓެސްޓްތަކުގެ ތެރޭން 44 އިންސައްތަ އަންނަނީ ފައްސި ވަމުންނެވެ.
