ޗައިނާއިން އދގެ މެންބަރު ގައުމުތަކަށް ފިއްތަމުން ގެންދަނީ، އަންނަ ހަފްތާގައި ޖަރުމަންވިލާތާއި އެމެރިކާއާއި އިނގިރޭސިވިލާތުން، ޝިންޖިއާންއާ ބެހޭ ގޮތުން ބާއްވާ އުއިގޫރު މުސްލިމުންނާ މެދު ޗައިނާ އިން ކަން ކުރާ ގޮތުގެ ބައްދަލުވުމަށް ހާޒިރު ނުވުމަށެވެ.
ޗައިނާއިން ސިފަ ކޮށްފައިވަނީ މިއީ ސިޔާސީ ގޮތުން ބާއްވާ ބައްދަލުވުމެއް ކަމަށެވެ. އަދި "ޗައިނާއާ ދެކޮޅަށް ބާއްވާ މިއިންވެންޓަށް ތިޔަ ގައުމުގެ މިޝަން ނުފޮވުމަށް ޗައިނާއިން އެދެން" މިފަދައިން ބުނެފައި ވެއެވެ.
މި އިވެންޓްގައި، ޔޫރަޕްގެ ޖަމާއަތުގެ ބައެއް ގައުމުތަކާއި އޮސްޓްރޭލިއާއާއި ކެނެޑާ ހިމެނެއެވެ. ޗައިނާއިން ސިފަ ކުރަނީ މިއީ ޗައިނާގެ ތަރައްގީ ވަޅު ޖައްސާލުމަށް ކުރާ ޕްރޮޕެގެންޑާއެއް ކަމަށެވެ. ޗައިނާއިން އިންޒާރު ކޮށްފައި ވަނީ ރުޅި އަރުވާލުމުގެ މިފަދަ އަމަލކުތަކުން އިތުރަށް ކުރިމަތިލުންތައް ހިނގާނެ ކަމަށެވެ.
އެމެރިކާއާއި ހުޅަނގުގެ ގައުމުތަކުގެ މަންދޫބުން މި އިވެންޓްގައި ވަރޗުއަލް ކޮށް މުޚާތަބް ކުރާނެ ކަމަށް ބެލެވެއެވެ.
މި ބައްދަލުވުމުގެ މައުޟޫއަކީ، އދގެ ނިޒާމުގެ ތެރޭން އުއިގުރު މުސްލިމުންގެ ހައްގުތައް ރައްކާތެރި ކުރުމާއި ބެހޭ ގޮތުން ވަކާލާތު ކުރުމުގެ މައްޗަށް ވާހަކަ ދެއްކުމެވެ.
ހުޅަނުގުގެ ގައުމުތަކުން ދެކޭ ގޮތުގައި ޗައިނާއިން ޗިންޖިއާންގައި ހިންގަނީ ގަތުލު އާންމެކެވެ. ޗައިނާއިން މިކަން ދޮގު ކުރެއެވެ. ޗައިނާއަށް ތުހުމަތު ކުރާ ފަރާތްތަކުން ވަނީ ޗައިނާ ގެ އަމަލުތައް ޑޮކިއުމެންޓްކޮށް ދައްކާފައެވެ.
