އަފްޣާނިސްތާނުގެ ސްކޫލެއްގެ ކައިރީގައި ހޮނިހިރުދުވަހު ހަވީރު ގޮއްވާލި ބޮމުގެ ހާދިސާ ގައި މަރުވި މީހުންގެ އަދަދު 58އަށް އަރައިފިއެވެ. އަދި ހާނީއްކަވި މީހުންގެ އަދަދު 150ކަމަށް ލަފާ ކުރެވެއެވެ.
މި ހަމަލާ ދީފައި ވަނީ، ބައިމަދު ޝީޢީ މަޛްހަބުގެ މީހުން ދިރިއުޅޭ ދަސްތޭ ބާރްޝީ ގައެވެ. އައިސިސް ހަނގުރާމަވެރިން އާދަވެގެން ޝީއީންނަށް ހަމަލަ ދީ ހަދައެވެ.
ކާބުލްގައި މި ހަމަލާ ދީފައި ވަނީ ސްކޫލެއްގެ ކައިރީގައެވެ. މީގައި ސްކޫލު ނިންމާފައި ގެއަށް ދަނިކޮށް، ހަތެއް ނޫނީ އަށް ކުދިން މަރުވެފައިވާ ކަމަށް މަންޒަރު ދުށް މީހުން ބުނެއެވެ.
އަފްޣާނިސްތާންގެ ރައީސް އަޝްރަފް އަބްދުލް ޣަނީ ވިދާޅުވަނީ، މި ހަމަލާ ދީފައި ވަނީ ތާލިބާންގެ ހަނގުރާމަވެރިން ކަމަށެވެ. ތާލިބާނުން ވަނީ މިކަން ދޮގު ކޮށްފައެވެ. ތާލިބާނުން ވަނީ މަދަނީންނަށް ހަމަލަ ނުދޭކަމަށް ބުނެފައެވެ.
މަރުވި މީހުންނާއި ހާނީއްކަވި މީހުންގެ އާއިލާތަކުން ވަނީ އަފްޣާނިސްތާން ސަރުކާރާއި ހުޅަނގު ސިފައިން، އަފްޣާނިސްތާން ހަމަނުޖެހުން ކޮންޓްރޯލް ކުރުމަށް މަސައްކަތް ނުކުރާ ކަމަށެވެ.
މީހުން ދަނީ މޯގުން ގަބުރުތައް ހޯދަމުންނެވެ. އަދި ބައެއް މީހުން ދަނީ މައްޔިތުން ވަޅުލުމުގެ ކަންތައްތައް ކުރިއަށް ގެންދަމުންނެވެ.
ޓެރަރިސްޓް ޖަމާއަތްތަކުން އަފްޣާނިސްތާން ހަމަނުޖެހުމަކަށް ވައްޓާލާނެކަމަށް ވަނީ ކުރިންވެސް ލަފާ ކުރެވިފައެވެ.
