ކުމްބް މޭލާއަށް ފަހު އިންޑިއާގެ އުއްތުރަކާންދްގައި ކޮވިޑް19، 1800 ޕަސެންޓަށް އިތުރު ވެއްޖެއެވެ. ހަރިދްވާރްގައި ގަންގާ ކޯރުގެ އައްސޭރީގައި ކުމްބް މޭލާ ބާއްވާފައި ވަނީ މާޗް 31ން އެޕްރީލް 24އަށެވެ.
ސުޕްރަސްޕްރެޑަ އިވެންޓެއްކަމަށް ސިފަކޮށްފައިވާ ބައިބޯ މި އެއްވުމުގެ ސަބަބުން މަސް ދުވަސް ތެރޭ 1.3 ލައްކަ މީހުންނަށް ކޮވިޑް ޖެހިފައިވާ ކަމަށް ސްޓޭޓުން ބުނެއެވެ.
ހަރިދްވާރްގައި އެޕްރީލް 12ހާ ހިސާބުގައި 3.5 މިލިއަން މީހުން އެއްވިއެވެ. އަދި 14 އެޕްރީލްގައި 1.4 މިލިއަން މީހުން އެއްވިއެވެ.
މިސްޓޭޓުން ވަނީ މި އިވެންޓާ ގުޅިގެން މަރުވި މިހުންގެ އަދަދު 1700އަށް ލަފާ ކޮށްފައެވެ. އެކަމަކު ނުރަސްމީ އަދަދުތައް މިއަށްވުރެން ދިހަ ގިނަ އިތުރު ވާނެ ކަމަށް ބެލެވެއެވެ. އުއްތުރަކާންދްގައި ކުރާ ޓެސްޓްތަކުގައި ޕޮޒިޓިވް ވާ ނިސްބަތް އުޅެނީ 24 އިންސައްތައިގައެވެ.
