އިޒްރޭލަކީ ޓެރަރިސްޓް ދައުލަތެއް ކަމަށް ތުރުކީ ރައީސް ސިފަ ކުރައްވައިފިއެވެ. ރައީސް ރަޖަބް އުރުދުޣާން އިޒްރޭލްގެ އުދުވާނާ ބެހޭ ގޮތުން ވާހަކަ ދައްކަވާފައި ވަނީ ގުދުސްގައި ނަމާދަށް ތިބި މީހުންނަށް ކަރުގޭސް ޖަހައި ރަބަރު ވަޒަނުން ޒަޔަނިސްޓް ސިފައިން ހަމަލަ ދިނުމާ ގުޅިގެންނެވެ.
އުރުދުޣާން ވަނީ ދުނިޔޭގެ މުސްލިމުން މިކަން ކުށްވރިކުރަން ޖެހޭނެ ކަމަށް ބުނެފައެވެ. އަދި ބައިނަލްއަގްވާމީ އިދާރާތަކުގެ ސަމާލުކަމަށްވެސް މިކަން ގެނައުމަށް ގޮވާލައްވާފައެވެ. އޭނާ ވިދާޅުވީ މިކަމުގައި ބަސް ނުބުނާ ބައެއް ނަމަ އެއީ މިޓެރަރިޒަމްގެ ބައިވެރިންނެވެ.
މަސްޖިދުލްއަގްސާގައި ޒަޔަނިސްޓުން ދިން ހަމަލާގައި 205 މީހަކު ޒަޚަމް ކޮށްފައި ވެއެވެ.
މައްސަލަ އުފެދިގެން އުޅެނީ ޔަހޫދީން ހިފައިގެން އުޅޭ އިރުމަތީ ގުދުސްގެ ޝެއިޚް ޖައްރާޙް އަވަށުން ފަލަސްތީނު މީހުން ބޭރުކޮށްލަން އުޅޭތީ ފަލަސްތީނުގެ މީހުން އެކަމާ ދެކޮޅަށް ނިކުތުމުންނެވެ.
އިޒްރޭލުގެ ސުޕްރީމް ކޯޓްގައި މި މައްސަލަ މާދަމާ ބަހުސް ކުރާނެއެވެ. އަދި ތޫނުސް އިން ވަނީ ސަލާމަތީ މަޖިލީހުގެ މާދަމާގެ މަޝްވަރާއަށް މިމައްސަލަ އެޖެންޑާ ކުރުވާފައެވެ.
