ފުރަތަމަ ފަހަރަށް އިންޑިއާ ސިފައިންގެ މިލިޓަރީ ޕޮލިސްއަށް އަންހުން ބައިވެރިކޮށްފިއެވެ. ފުރަތަމަ ބެޗްގައި ނެރެފައިވާ އަންހެން މިލިޓަރީ ޕޮލިސް ގެ މެމްބަރުންނަށް ތަމްރީން ދީފައި ވަނީ ބެންގަލޯރ އެކަޑެމީގައެވެ. މީގައި 83 އަންހެން ސިފައިން ގްރޭޖުއޭޓް ވެފައި ވެއެވެ.
އަންހެން މިލިޓަރީ ޕޮލިސް ފޯސްއެއް އުފައްދަންވެގެން ފުރަތަމަ ތަމްރީން ދިނީ 100 ބައިވެރިންނަށެވެ. ނަމަވެސް ސިއްޙީ ހާލަތާ ހެދި ބައެއް މީހުންނަށް ކޯސް ފުރިހަމަ ނުކުރެވުނީއެވެ.
އިންޑިއާގެ ސިފައިންގެ ތެރޭގައި އަންހެނުންނަށް ޚިދުމަތް ކުރުމަށް ހުއްދަ ދީފައި ވަނީ 1992ން ފެށިގެންނެވެ.
އިންޑިއާގެ އަމާޒަކީ ކުރިއަށް އޮތް 16 އަހަރުގެ ތެރޭގައި އަންހެން މިލިޓަރީ ސިފައިންގެ އަދަދު 20 އިންސައްތައަށް އިތުރު ކުރުމެވެ.
