ޗައިނާގެ ސްޕޭސް ސްޓޭޝަން ހަދަނމް ރޮކެޓެއް ފޮނުވާ ކޮންމެ އިރަކު ދިވެހިން ބިރުން ތިބެންވީ ހެއްޔެވެ؟ ވޯހާނުން ފާޅުވި ދާއްބަ، ވައިރަސްއަށް އަހަރެއްވީފަހުން އޭގެ ދެވަނަ ރާޅުގައި މީޙުން ހަނާވަމުން ދިޔައިރު، ދެން ބަލަބަލައި ތިބެން ޖެހުނީ ޗައިނާގެ ރޮކެޓް ބޮލާ ދިމާއަށް އަންނާތީ އެކަމާ ބިރުންނެވެ.
އެމެރިކާގެ ޖައްވީ އިދާރާ ނާސާއިން ބުނާ ގޮތުގައި ޗައިނާއިން ވަނީ ޒިންމާދާރު އުސޫލުތަކަށް އަމަލު ކުރުމުގައި ނުކުޅެދިފައެވެ.
"ޖައްވީ މަސައްކަތުގައި އުޅޭ ގައުމުތަކުން ފޮނުވާ ޖައްވީ އާލާތްތައް ދުނިޔެއަށް އެނބުރި ވަންނަ އިރު މީހުންނާއި މުދަލަށް ލިބޭ ގެއްލުން ކުޑަ ކުރުމަށް ދެފުށްފެންނަ ހަމަތަކެއް ގެން ގުޅެން ޖެހޭނެއެވެ." ރާއްޖެ މައްޗަށް ލޯންގް މާޗްގެ ރޮކެޓް ވެއްޓުމުން ނާސާއިން ޗައިނާއަށް ފާޑު ކިޔަމުން ބުނެފައި ވެއެވެ.
ޗައިނާގެ ރޮކެޓް ވެއްޓިގެން ރާއްޖޭގެ ކަނޑުގެ ދިރުމަށް ލިބިގެން ދިޔަ ގެއްލުން އަދި އަންދާސާ ކުރެވިފައެއް ނުވެއެވެ.
ނާސާއިން ބުނިގޮތުގައި ލޯންގް މާޗް ރޮކެޓް ދުނޔޭގެ ޖައްވަށް ވަދެފައި ވަނީ އަރަބި ގައުމުތައް މަތިންނެނެވެ.
މިއީ މިފަހުގެ ހަނދާނުގައި ޖައްވުން ދުނިޔެއަށް ވަދެގެން އައިސް ވެއްޓުނު މިވަރުގެ އެންމެ ބޮޑު އޮބްޖެކްޓެވެ. މީގެ ކުރިން 2018ގައި ޗައިނާގެ ސްޕޭސް ލެބްގެ ބައެއް ބިންދައިގެން ގޮސް ޕެސިފިކް އޯޝަނަށް ވެއްޓުނެވެ. އަދި 2020ގައި ލޯންމާޗްގެ 18 މެޓްރިކް ޓަނުގެ އެހެން ރޮކެޓެއްވެސް ދުނިޔެއަށް ވަނެވެ.
ދުނިޔޭގެ ފަށަލަ ފޫޅއަޅުވާލައި ޖައްވުން ބައެއް ސާމާނުތައް ވަދެގެން އާދެއެވެ. ނަމަވެސް މިތަކެތި، ވަންނަ އިރު ހުންނަނީ އަނދައިގެން ކުދިކުދި ވެފައެވެ.
