ގުދުސްގައި އިޒްރޭލު ސިފައިން ފަލަސްތީނުގެ އިސްތިއުމާރީ ސިފައިން ދެމުންދާ ހަމަލާތަކުގައި މިއަދު ހާނީއްކަވި މީހުންގެ އަދަދު 100އަށް އަރައިފިއެވެ.
މާދަމާ، ހޯމަ ދުވަހު އިޒްރޭލުގެ ސުޕްރީމް ކޯޓުގައި އޮތް ޝެއިޚް ޖައްރާހް އިން ފަލަސްތީނު މީހުން ނެރެލުމުގެ މައްސަލާގެ އަޑު އެހުން، އިޒްރޭލު ބޮޑު ވަޒީރު ނަތަންޔާހޫގެ އެދުމަކަށް ސުޕްރީމް ކޯޓުން ވަނީ މާދަމާ ނުބާއްވާ ގޮތަށް ނިންމާފައެވެ.
އަރަބި ލީގުންވެސް ވަނީ އަންގާރަ ދުވަހު ޚާރިޖީ ވަޒީރުގެ ބައްދަލުވުމެއް ބޭއްވުމަށް ނިންމާފައެވެ. މަޝްވަރާ ކުރާނީ ގުދުސްއާ ބެހޭ ގޮތުންނެވެ.
އިޒްރޭލުގެ ނަތަންޔާހޫއާ ހަވާލާދީ އަލްޖަޒީރާއިން ރިޕޯޓް ކޮށްފައިވާ ގޮތުގައި ހިފާފައިވާ އިރުމަތީ ގުދުސްގައި އަލްޖައްރާޙް އަވަށުގައި އިޒްރޭލުން އިމާރާތް ކުރުމަށް ކުރާ މަސައްކަތަށް އެއްވެސް ފަރާތަކުން ހުސްއަޅައިގެން ނުވާނެއެވެ.
އިޒްރޭލުގައި ނަތަންޔާހޫގެ ހިޓްލަރީ ސިޔާސަތުތަކަށް ތާއީދު ނުކުރާ ބަޔަކުވެސް އެބަތިއްބެވެ.
ކުރީގެ ޖަސްޓިސް މިނިސްޓަރ ޔޯސީ ބެއިލިން ވިދާޅުވިގޮތުގައި ނަތަންޔާހޫގެ ސަރުކާރު ސިޔާސީ ގޮތުން ނެތި ދިއުމަށް އުންމީދު ކުރާ ކަމަށެވެ. އަދި އެތައް ހާސް އަހަރެއް ވަންދެން ކުރިއަށްދާ ހަމަނުޖެހުން އައު ސަރުކާރެއް އައިސްގެން ކޮންޓްރޯލް ކުރުމަށް މަސައްކަތް ކުރާނެ ކަމަށް އުންމީދު ކުރާ ކަމަށްވެސް ބެއިލިން ވިދާޅުވިއެވެ. އޭނާ ސިފަ ކުރެއްވި ގޮތުގައި ހަރަމްފުޅަށް އިސްރޭލް ސިފައިން ވެއްދުމަކީ މޮޔަ އަމަލެކެވެ.
ޝެއިޚް ޖައްރާހްގެ އާއިލާތަކުން ވަނީ އިޒްރޭލު މަތީ ކޯޓުން މައްސަލ ފަސް ކުރި ކުރުން ކުށްވެރިކޮށްފައެވެ.
ނަތަންޔާހޫ ބުނެފައި ވަނީ ހަމަނުޖެހުން އުފެއްދުމަށް ފުރުސަތެއް ނުދޭނެ ކަމަށެވެ.
ވެޓިކަން އިން ޕޯޕް ބުނެފައި ވަނީ މިހާރު ދެން ހަމަނުޖެހުން ނިންމަން ވެއްޖެ ކަމށެވެ.
އުރުދުންއިން ބުނެފައި ވަނީ އިޒްރޭލުން ހަމަރްފުޅަށް ސިފައިން ވެއްދުމަކީ ނާތަހުޒީބު އަމަލެއް ކަމަށެވެ.
