ހިތުގެ ބަލިތައް ހުންނަ މީހުންނަށް ބޭނުންވާ އަވަސް ފަރުވާ ދިނުމަށް ޑެންމާކްގައި ޚާއްސަ އެޕެއް ބޭނުން ކުރުމުން ހިތުގެ ބަލިތަކުގައި ނިމިގެންދާ މީހުންގެ އަދަދު ވަނީ ވަރަށް ބޮޑަށް ދަށްވެފައެވެ. މި އެޕް ބޭނުން ކުރާ ފަރާތްތަކުން އެހީއަށް އެދިގެން އެޕުން ފޮނުވާލާ ސިގްނަލް ލިބުމާއެކު ތަމްރީން ވެފައިވާ ހިލޭ ސާބަހަށް މަސައްކަތް ކުރާ ފުރަތަމަ ފަރުވާދޭ ވޮލަންޓިއަރަކު، އެމްބިއުލޭންސެއް އައުމުގެ ކުރިން، ވަގުތުން އެމީހަކު ހުރިތަނަކަށް ވަދެ އޭނާއަށް ފަރުވާދޭން ފަށައި ގަނެއެވެ.
ޑެންމާކްގައި ހަސްފަތާލުން ބޭރުގައި ހިތުގެ ބައްޔަށް އެހީ ދީގެން ސަލާމަތް ކުރެވޭ މީހުންގެ ނިސްބަތް ވަނީ 4 އިންސައްތައިން 16 އިންސައްތައަށް އިތުރު ވެފައެވެ. މިއީ 20 އަހަރު ދުވަސް ތެރޭގެ ކާމިޔާބީއެވެ.
އެމެރިކާގައިވެސް މިފަދަ އެޕެއް ބޭނުން ކުރެއެވެ. ނަމަވެސް ވޮލަންޓިއަރުންގެ އެހީތެރިކަން މީހުން ބޭނުން ނުވާތީއާއި، "ޕަލްސް ޕޮއިންޓް" އެޕް މީހުންގެ މަދުގައި މަގްބޫލު ނުވުމުން އެމެރިކާގައި އެޕް ބޭނުން ކޮށްގެން އެހީ ހޯދައި ސަލާމަތްވާ މީހުންގެ ނިސްބަތް އުޅެނީ 9.8 އިންސައްތައިގައެވެ.
ޑެންމާކްގެ "ހަރޓްޓަރނަރ" އެޕް ބޭނުން ކުރާ މީހުންނަށް ގައުމުގެ އެމެޖެންސީ ނަންބަރު 112 ބޭނުން ކޮށްގެން 1.1 މޭލުގެ އޭރިއާއެއްގެ ތެރޭގައި ވިއްސަކަށް ވޮލަންޓިއަރުން ވަގުތުން ފޮނުވާ ލެވޭ ގޮތަށް ހަމަޖެހިފައި ވެއެވެ. މި ވޮލަންޓިއަރު އެހީ ދެމުންދާއިރު އެމްބިއުލޭންސްވެސް އޭގެ ދަތުރުގައި އުޅޭނެއެވެ. އަދި ހަމަ އެހިނދު، ވޮލަންޓިއަރާ ކޯޑިނޭޓްކޮށްގެން އޭނާއަށް ބޭނުންވާ ސީޕީއާރްގެ އިރުޝާދު ވެސް ދެމުން ގެންދާނެއެވެ.
ހަރޓްޓރަނަރ އެޕުން މެސެޖެއް ލިބުމަށްފަހު، 112 އިން ވޮލެންޓިއަރަށް ދާ މެސެޖަކީ، "ތިބާއަށް ދުއްވައި ގަނެވޭނެ ތަ؟" އެއިރު ދާންވީ އެޑްރެސް އޮންނާނީ ސްކްރީންގައި ފެންނާށެވެ. ޔޭސް ޖަހާލުމަށްފަހު އެ އެޑްރެހަކަށް އަވަސް ވެގަންނަން ވީއެވެ.
ޑެންމާކްގައި މި އެޕް މެދުވެރިކޮށް އެހީ ދިނުމަށް ރެޖިސްޓާ ވެފައިވާ ވޮލަންޓިއަރުންގެ އެއްލައްކަ ވޮލަންޓިއަރުންގެ 75 އިންސައްތަ މީހުންނަކީ ސިއްޙީ ދާއިރާގެ ޕްރޮފެޝަނަލް ބެކްގްރައުންޑެއްގެ ބައެއް ނޫނެވެ.
ޑެންމާކުން ބުނާ ގޮތުގައި މި ޓެކްނޮލޮޖީ ބޭނުން ކޮށްގެން އެތައް ފުރާނައެއް ވަނީ ސަލާމަތް ކުރެވިފައެވެ. މިސާލަކަށް އެޓޭކެއް އަންނަ މީހާއަށް އަވަށްޓެރިއަކު ދެ ތިން މިނެޓްގެ ތެރޭގައި އެހީ ދޭން ގޮސްފިނަމަ އެއީ ވަރަށް ބޮޑު ވަރެކެވެ.
ޑެންމާކްގެ ކޮންމެ ދިހަ ކާޑިއެކް އެރެސްޓް ކޭސްއެއްގައި އެހީ ދީފައިވާ ހަތަރު މީހުންނަކީ ވޮލަންޓިއަރުންނެވެ. ސިއްހީ ދާއިރާގެ މާހިރުންނެއް ނޫނެވެ!
ސިއްޙީ ފަރުވާއަކީ ދައުލަތުގެ ޒިންމާއެކެވެ.
