އަފްޣާނިސްތާންގެ ދެކުނު ޒާބުލް ސަރަހައްދުގައި ބަދަލުކޮށްފައިވާ ހަމަލަތަކުގައި 13 މަދަނީންނާއި ތިން ފުލުހަކު މަރުވެ ދެ މީހަކު ޒަޚަމް ވެފައި ވެއެވެ. މި ހަމަލާ ދީފައި ވަނީ ތާލިބާން ހަނގުރާމަވެރިންނެވެ.
ހިސާބު ގަނޑުގެ މީހުން ބުނާ ގޮތުގައި ތާލިބާނުގެ ނުވަ މީހަކު މަރުވިއެވެ. އަދި ތާލިބާނާއި ފުލުހުންނާ ދެމެދު އެތައް ގަޑި އިރަކަށް މިހަމަލާތައް ދެމިގެން ދިޔަ ކަމަށް ވެއެވެ.
އަފްޣާނިސްތާންގައި ދުވާލެއްގެ މައްޗަށް 11 ސިފައިންނާއި 49 މަދަނީން މަރުވާކަމަށް ތަފާސްހިސާބުން ދައްކައެވެ.
ތާލިބާނުންނަކީ ޕާކިސްތާނުން ކޮންޓްރޯލް ކުރާ ޓެރަރިސްޓް ހަނގުރާމަވެރި ޖަމާއަތެކެވެ.
އެމެރިކާ ސިފައިން އަފްޣާނިސްތާނުން ފައިބައިގެން ދިއުމަށް ޓްރަމްޕް ނިންމެވި ނިންމެވުން 11 ސެޕްޓެމްބަރުގައި، އެމެރިކާގެ ރައީސް ޖޯ ބައިޑެން ތަންފީޒުކޮށް ނިންމަމަވާނެއެވެ. މިހާތަނަށް އެމެރިކާ ސިފައިންގެ 20 އިންސައްތަ އަފްޣާނިސްތާނުން ބާލައި ނިމިފައިވާ ކަމަށް އެމެރިކާއިން ބުނެފައި ވެއެވެ.
1079ގައި އަފްޣާނިސްތާނަށް ރޫސީވިލާތުން އެރިފަހުން، އަދިވެސް އެގައުމަށް ހަމަޖެހުމެއް އައިސްފައެއް ނުވެއެވެ. ރޫސީން އަފްޣާނިސްތާނުން ފައިބައިގެން ދިޔައީ 1988 ގައެވެ.
އެއަށް ފަހު އަހްލީ ހަނގުރާމައިގެ ތެރޭގައި 2001 ގައި އެމެރިކާގެ ޓްއިން ޓަވަރު ގޮއްވާލުމަށްފަހު އެމެރިކާ ސިފައިން އަލްގާއިދާ ބޭރުކޮށްލުމަށް އަފްޣާނިސްތާނަށް އެރީއެވެ.
އެމެރިކާ ސިފައިން ފައިބައިގެން ދާން ނިންމުމާއެކު، ތާލިބާނާއި އަފްޣާން ސިފައިންގެ ދެމެދު ހަމަލާތައް ބަދަލު ކުރުން ވަނީ އިތުރު ވެފައެވެ.
އެމެރިކާ ސިފައިން، ބުނާ ގޮތުން ތާލިބާނުން ދެމުން ގެންދާ ހަމަލާތައް ވަނީ ކުރީ އަހަރާ އަޅާ ބަލާއިރު 10 ޕަސެންޓަށް އިތުރު ވެފައެވެ. އަދި ހަމަ އެއާއެކު މީހުން މަރުވާ ނިސްބަތްވެސް ބޮޑުކޮށް އިތުރު ވެފައިވާ ކަމަށް އެމެރިކާއިން ބުނެއެވެ.
ހޮނިހިރު ދުވަހު ސައްޔިދުއްޝުހަދާ ސްކޫލަށް ދީފައިވާ ހަމަލާގައި 85 މީހުން މަރުވެފައި ވެއެވެ. އޭގެ ތެރޭގައި ކުޑަ ކުދިންވެސް ހިމެނެއެވެ. މިއީ ބައިމަދު ޝީއީންނަށް އަމާޒުކޮށްގެން ދީފައިވާ ހަމަލައެއް ކަމަށް ވެއެވެ.
