ނޭޕާލްގެ ބޮޑު ވަޒީރު، ކޭޕީ ޝަރްމާ އޯލީގެ ސަރުކާރަށް ނެގި އިތުބާރުގެ ނެތްކަމުގެ ވޯޓްގައި އޯލީއަށް ނާކާމިޔާބު ވެވަޑައިގަތުމާ ގުޅިގެން ނޭޕާލްގެ ރައީސް އައު ސަރުކާރެއް އެކުލަވާލުމަށް ޕާޓީތަކަށް ދައުވަތު ދެއްވައިފިއެވެ.
ރައީސާ ބިދްޔާ ދޭވީ ބަންޑާރީ ވަނީ ތިން ދުވަސް ތެރޭގައި ސިޔާސީ ޕާޓީތަކުން ސަރުކާރެއް އެކުލެވޭނެ ނަމަ އެކަން އަންގައި ދިނުމަށް އަންގަވާފައެވެ.
ނޭޕާލީ ގާނޫނުއަސާސީ ބުނާ ގޮތުން ދެ ޕާޓީ ނުވަތަ އެއް ޕާޓީއަކުންވިއަސް ގާނޫނު ހަދާ މަޖިލީހުގައި ތާއީދު އޮތްކަން ސާބިތުކޮށްދޭން ސަރުކާރު އެކުލަވާލަން އުޅޭ ފަރާތުން ސޮއި ދޭން ޖެހެއެވެ.
275 މެމްބަރުންގެ ޕާލަމެންޓްގައި ނެގި އިތުބާރު ވޯޓްގައި އޯލީއަށް ލިބިވަޑައި ގަތީ 93 ވޯޓެވެ. 124 މެންބަރަކު ވަނީ އޯލީ އާ ދެކޮޅަށް ވޯޓްލާފައެވެ.
އޯލީގެ ބައިވެރިޔާ، ނޭޕާލްގެ އަލުހީ ހަނގުރާމައިގެ ކޮމިއުނިސްޓް ލީޑަރ ޕްރަޗާންދާ ގެ ޕާޓީން ވަނީ އޯލީއަށް ދެމުން ދިޔަ ތާއީދު އަނބުރައި ގެންގޮސްފައެވެ.
ނޭޕާލީ ކޮންގްރެސް ޕާޓިއާއި ޖަނަތާ ސަމާޖްބާޑީ ޕާޓީން ވެސް ވަނީ އޯލީއާ ދެކޮޅަށް ވޯޓްލާފައެވެ. އޯލީއަކީ ޗައިނާއާ ގާތް ބޭފުޅެކެވެ.
