ތާލިބާނުން މަސައްކަތް ކުރަނީ އަފްޣާނިސްތާންގެ މީޑިއާ ހިމޭން ކުރުމަށް ކަމަށް ނޫސްވެރިން ތުހުމަތު ކުރެއެވެ. ތާލިބާނުން މީޑިއާއަށް ފޮނުވާފައިވާ އިންޒާރެއްގައި ބުނެފައި ވަނީ މީޑިއާއިން ސަރުކާރުން ދައްކާ ވާހަކަތައް ރިޕޯޓް ކޮށް ސަރުކާރުގެ ޕްރޮޕެގެންޑާ ވަސީލަތަކަށް ވެގެން ނުވާނެ ކަމަށެވެ.
މިއާއެކު ތާލިބާނަށް ފާޑުކިޔައި ރިޕޯޓް ކޮށް އުޅުނު، ކަންދަހާރުގެ މަޝްހޫރު ޓީވީ ރިޕޯޓަކަށް ހަމަލަ ދީ އޭނާ މަރާލާފައި ވެއެވެ.
ނިއުމަތު ރަވާންއަށް ހަމަލަ ދިނީ ތާލިބާން ކަމަށް ޔަގީން ކޮށްފައި ވެއެވެ. އޭނާއަށް ހަމަލަ ދިން މީހުން ވަނީ އޭނާގެ ފޯނުވެސް ފޭރިގެންފައެވެ.
ތަލިބާނުން ބުނެފައި ވަނީ މި އެމީހުންގެ އަގުވަޢްޓާލުމަށް އަފްޣާނިސްތާން ސަރުކާރުން ކުރާ ކަމެއް ކަމަށެވެ. އަދި ތާލިބާނަށް ތުހުމަތުކޮށް ސަރުކާރުގެ ޕްރޮޕެގެންޑާއަށް ނުވުމަށްވެސް މީޑިއާ އަށް އަނެއްކާވެސް އިންޒާރު ދީފައި ވެއެވެ.
ތާލިބާންގެ ތަރުޖަމާން ޒަބީހުﷲ މުޖާހިދު ބުނާ ގޮތުގައި ރަވާން މަރާލާފައި ވަނީ ކާބުލްގެ ޖާސޫސީ އިދާރައިންނެވެ.
އަފްޣާނިސްތާންގައި އެމެރިކާ ސިފައިން 20 އަހަރު ވަންދެން ތިބުމަށްފަހު ފައިބައިގެން ދާން ފެށުމުން ތާލިބާން ވަނީ ހަމަލަތައް ވަރުގަދަ ކޮށްފައެވެ.
