ބޮލީވުޑުގެ ކިންގު ޚާން (ޝާހުރުކް ޚާން) އާއި އަންހެނުން ގޯރީ ޚާންގެ އަންހެން ދަރިފުޅު ސުހާނާ ޚާންއަށް މިއަދު 21 އަހަރު ފުރުނީއެވެ. ޝާހުރުކް ޚާން އޭނާގެ އަންހެން ދަރިފުޅަށް ކުރިން ވަނީ 7 ގައިވާއިދެއް ހަދައި އެކިޔައިދީފައެވެ. މިއަދުގެ އުފަލުގައި އެގަވާއިދު ކިޔާއިދިން ދުވަހަށް ބަލައިލާނަމެވެ.
ސުހާނާއާއި އެނާގެ ބައްޕް ޝާހުރުކް އާއި ދެމެދު ގާތް ގުޅުމެއް އެވެއެވެ. ޝާހު ވަނީ ކުދިންގެ ހިމާޔަތަކަށް ޕައްޕައިން ވާންޖެހޭނޭ ކަމަށް އެތައް ފަހަރެއްގެ މަތީން ވާހަކަ ދައްކައިފައެވެ.
އޭނާވަނީ އެއްފަހަރު ސުހާނާގެ ހަޔާތުގެ ބައިވެރިއަކަށް އަންނާނެ ފިރިހެންކުއްޖަކު ތަބާވާންޖެހޭ 7 ގަވައިދެއް ހިއްސާކޮށްފައެވެ. 2017 ވަނަ އަހަރު މެގަޒިންއަކާ ވާހަކަ ދައްކަމުން ޝާހުރުކް ވަނީ އެ ގަވައިދުތަކުގެ ތެރޭގައި އޭނާއަށް އެ ފިރިހެންކުއްޖާ ފަހަރުގައި ކަމުނުދާނެކަމާއި އޭނާ އަބަދުވެސް ހުރިހާ ތަނެއްގައި ހުންނާނެ ކަން ވިސްނެން ޖެހޭނެ ކަމަށް ހިމެނޭކަމަށެވެ. އެ ހަތް ގަވައިދު ނުވަތަ އުސޫލަކީ:
1. ވަޒީފާއެއް ހޯދުން
2. އަހަންނަށް ތިޔަކުއްޖާ ފަހަރުގައި ކަމުނުދާނެކަން ވިސްނުން
3. އަހަރެން ހުރިހާ ތަނެއްގައި ވެސް ހުންނާނެ
5. ސުހާނާއެއީ އަހަރެންގެ ޕްރިންސެސް، ތިޔަކުއްޖާގެ އެއްޗެއް ނޫން
6. އަހަރެން ޖަލަށް ދާން ޖެހުނަސް ވަރިހަމަ
7. އަހަރެންގެ ދަރިފުޅަށް ކުރާ ކޮންމެ ކަމެއް އަހަރެން ތިކުއްޖާއަށް ވެސް ކުރާނަން. ފެމިނާ މެގަޒިންއަށް ދިން އިންޓަރވިއުގައި ޝާހުރުކް އެ 7 ގަވައިދު ހިއްސާކޮށްފައިވެއެވެ.
ނަމަވެސް ޝާހުރުކް ފަހުންވަނީ އެއީ އޭނާ ސީރިއަސްކޮށް ބުނި އެއްޗެއް ނޫންކަމަށް ބުނެފައެވެ. އެހެނީ އޭނާގެ ދަރިފުޅު ހަޔާތުގެ ބައިވެރިއެއް ހޮވުމުން އޭނާއަށް އެއްވެސް އެއްޗެއް ނުބުނެވި އެކަމާ ރުހި ގަބޫލުވެގެން ހުރެވޭނީކަން އެނގޭ ކަމަށް ވެސް ޝާހު ބުނެފައިވެއެވެ. ހަގީގަތުގައިވެސް ސުހާނާގެ ހަޔާތަށް ބައިވެރިއަކު އައުމުގެ ކުރިން ހަގީގަތް ހާމަކޮށްލަން ހިތަށް އެރީކަމަށާއި އެ ޚަބަރު ތަނަކުން ކިޔާލުމަށް ފަހު އޭނާއަށް އިހުތިރާމް ކުރުމުގެ ގޮތުން މި ކަން ސީރިއަސްކޮށް ނަގަން ބޭނުންވަނީނަމަ ސީރިއަސްކޮށް ނެގިޔަސް އެންމެ ރަނގަޅު ކަމަށާއި އެހެން ނަމަވެސް އޭނާ އެ ކަމަކީ ސީރިއަސް ކަމެއްގެ ގޮތުގައި އެއްވެސް ވަރަކަށް ނުދެކޭ ކަމަށްވެސް ޝާހުރުކް ޚާން ވަނީ ބުނެފައިއެވެ.
ސުހާނާ މިވަގުތު ދަނީ ނިއު ޔޯކް ޔުނިވަރސިޓީގައި މަތީ ތައުލީމު ހާސިލު ކުރަމުންނެވެ. އޭނާ ލޮކްޑައުންގެ ގިނަ ވަގުތު ހޭދަ ކޮށްފައިވަނީ އޭނާގެ އާއިލާއާއެކު މުމްބާއިގައެވެ. މީގެ އިތުރުން ސުހާނާވަނީ އޭނާގެ ބައްޕަ އަދި ބޭބޭ އާރިޔަން ޚާންއާއެކީ ޔޫއޭއީ ގައި ބޭއްވުނު އައިޕީއެލް 2020 އަށްގޮސް ކޮލްކަތާ ނައިޓްރައިޑާރސް އަށް ސަޕޯރޓްކޮށްފައިއެވެ. އޭގެ ދުވަސްތަކެއް ފަހުން އަނބުރާ ޔޫއެސް އަށް ގޮސްފައިވާއިރު އޭނާ މިހާރު ދަނީ އޭނާ އެގައުމުގައި ނަގާފައިވާ އެކި ފޮޓޯތަކެއް ހިއްސާކޮށްފައިއެވެ.
އޭނާގެ އުއްމީދަކީ ކާމިޔާބު އެކްޓާރަކަށް ވުމެވެ. އެކަމަށް އޭނާ ދަނީ މަތީ ތައުލީމު ހާސިލްކުރަމުންވެސް މެއެވެ. 2019 ވަނަ އަހަރު އޭނާވަނީ ލަންޑަންގެ އާރޑިންގްލީ ކޮލްޖް އިން ގްރެޖުއޭޓްވެފައިއެވެ.
