އައްޑޫ ސިޓީން ކޮވިޑަށް ޕޮޒިޓިވްވި މީހުންގެ ތެރެއިން އިތުރު 11 މީހުން ބަލިން ފަސޭހަ ވެއްޖެއެވެ. މި 11 މީހުން ބަލިން ފަސޭހަ ވުމުން މި އަދަދު މިވަނީ 93 އަށް އަރައިފައެވެ.
އައްޑޫ ސިޓީން މިއަދު ވަނީ މިބައްޔަށް އިތުރު 10 މީހުން ޕޮޒިޓިވްވެފައެވެ. އެއީ ހިތަދޫން ޕޮޒިޓިވްވި 8 މީހަކާއި ހުޅުދޫން ޕޮޒިޓިވްވި މީހަކާއި މަރަދޫން ޕޮޒިޓިވްވި މީހެކެވެ.
ހިތަދޫން ޕޮޒިޓިވްވި މީހުންގެ ތެރެއިން 7 މީހުންނަކީ ޑައިރެކްޓް ކޮންޓެކްޓުންނެވެ. އަނެއް މީހާއަކީ ސަވައިލަންސް ސާމްޕަލަކުން ޕޮޒިޓިވްވި މީހެކެވެ. މީދޫން ޕޮޒިޓިވް ވެފައިވަނީ ރެންޑޮމް ސާމްޕަލެކެވެ. މަރަދޫން ޕޮޒިޓިވް ވެފައިވަނީ ހޯމް ކަރަންޓީނުގައި ހުރި މީހެކެވެ.
މިހާރު ހިތާދޫގައި ތިބި އެކްޓިވް ކޭސްގެ އަދަދަކީ 119 އެވެ. އޭޭގެ ތެރޭގއި ހޯމް ކަރަންޓީނުގައި ތިބި ދެ މީހަކު ހިމެނެއެވެ. ފޭދޫގައި ތިބި އެކްޓިވް ކޭސްގެ އަދަދަކީ 9 އެވެ. މަރަދޫަގައި ތިބީ 11 މީހެކެވެ. މަރަދޫފޭދޫގައި އެކެކެވެ. ސައުތު ޕާމްގައި 2 އެވެ. ގަމުގައި އެކެެކެެވެ. ހުޅުދޫގައި 24 އެވެ. މީދޫގައި 8 އެވެ. އެކްޓިވް ކޯސްގެ ގޮތުގައި އައްޑޫގައި މިހާރު ތިބި މީހުންގެ ޖުމްލައަކީ 175 މީހުންނެވެ،
