ގެދޮރުވެރިޔާ ސްކީމްގެ މައްސަލާގައި ދައުވާކުރުމާމެދު ގޮތެއް ނިންމެވުމަށް އެންޓި ކޮރަޕްޝަން ކޮމިޝަން( އޭސީސީ)ން، ޕްރޮސެކިއުޓަރ ޖެނެރަލްގެ އޮފީހާއެކު މަޝްވަރާތައް ފަށައިފައިވާ ކަމަށް އެ ކޮމިޝަނުން ބުނެފިއެވެ.
އޭސީސީން މިހެން ބުނެފައިވަނީ އެ ކޮމިޝަނުން އެކްސްގައި ކޮށްފައިވާ ޕޯސްޓެއްގައެވެ.
އެ ޕޯސްޓްގައި އޭސީސީން ބުނީ އެކޮމިޝަނުން ތަހުގީގުކުރައްވަމުން ގެންދަވާ ގެދޮރުވެރިޔާ ސްކީމްގެ ދަށުން ފްލެޓް ދޫކުރުމުގެ މައްސަލާގައި ހިމެނޭ ފަރާތްތަކުގެ މައްޗަށް ދައުވާކޮށްދިނުމާމެދު ގޮތެއް ނިންމެވުމަށް ޕްރޮސެކިއުޓަރ ޖެނެރަލްގެ އޮފީހާއެކު ޑިއުޓީ ޕްރޮސެކިއުޝަން ފަށާފައިވާކަމަށެވެ.
އަދި އާއްމު މައްސަލަހަތު ބޮޑު މި މައްސަލައިގެ ޑިއުޓީ ޕްރޮސެކިއުޝަންގެ މަސައްކަތް ނިންމައި، ދައުވާކުރެވޭނެ ފަރާތްތަކުގެ މައްޗަށް ދައުވާކޮށްދިނުމަށް ކުރަންޖެހޭ މަސައްކަތްތައް އެ ކޮމިޝަނުން ވީ އެންމެ އަވަހަކަށް ކުރަމުންގެންދާނެ ކަމަށްވެސް އެ ކޮމިޝަނުން ބުނެފައިވެއެވެ.
