ޓީވީ ޑްރާމާ ސިލްސިލާ "ނާގިން" އަދި "ބޭޕަނާ ޕިޔާރު ހޭ" އިން ބެލުންތެރިންގެ މަގުބޫލުކަން ހޯދައިފައިވާ ޕާލް ވީ ޕޫރީ ކުޑަ ކުއްޖަކު ރޭޕް ކުރި ކަމުގެ ތުހުމަތުގައި ހައްޔަރުކޮށްފިއެވެ. މުންބާއީ ޕޮލިހުން ހުކުރު ދުވަހު އޭނާ ހައްޔަރު ކުރީ 5 އަހަރުގެ އަންހެން ކުއްޖެއް ކަމަށްވާ އަދިތިޔާ ކަދަމް ރޭޕް ކުރި ކަމުގެ ތުހުމަތުގައެވެ. އަދި ހޮނިހިރު ދުވަހު ކޯޓުން އަމުރު ނެރުނީ ޕާލް ޕޫރީ 14 ދުވަހު ބަންދުގައި ބެހެއްޓުމަށެވެ.
މި ތުހުމަތު ޕާލް ގެ މައްޗަށް ކުރެވުނީ އޮކް ޓޫބަރު 2019 ގައި ވަސާއީ ގައި އޮތް ފިލްމު ޝޫޓިން އެއްގައެވެ. ރޭޕްގެ ޝީކާރައަކަށްވި އަންހެންކުއްޖާ އާއި އޭނަގެ މަންމަ އަކީވެސް ޓީވީ ސީރީޒް ތަކުގައި މަސައްކަތްކުރާ ދެ މައިންނެވެ. އަދި ވަސާއީ ގައި އޮތް ޝޫޓިންގައި ޕާލް ޕޫރީ އާއި އެކު މި ދެމައިންވެސް ބައިވެރިވިއެވެ.
ދަރިފުޅުގެ މަންމައަށް މިކަން ހިނގިކަން އެނގުނީ ދަރިފުޅު ބަނޑުގައި ރިއްސާ ވާހަކަ ބުނުމުން ނެވެ. އެއަށްފަހު ކުޑަ ކުއްޖާގެ ބައްޕަ ވާސުވާ ޕޮލިސްޓޭޝަނަށް މައްސަލަ ހުށަ އެޅިއެވެ. އޭގެ ފަހުން ވަލްވީ ޕޮލިސްޓޭޝަނަށް މައްސަލަ ބަދަލުކުރިއެވެ. އަދި ޕޮލިހުން މި މައްސަ ތަހުގީގު ގުރަން ފެށުމަށްފަހު ޕާލް ޕޫރީ މިކަމުގައި ބައިވެރިވެފައި ވާކަމަށް ފާހަގަ ކުރެވޭތީ އޭނާ ހައްޔަރު ކުރީކަމަށް ވާލްވީ ޕޮލިސް ސްޓޭޝަގެ ޑީސީޕީ ސަންޖޭ ކުމާރު ޕާޓިލް ހާމަކުރެއްވިއެވެ.
ޕާލް ހައްޔަރު ކުރި ޚަބަރު ލިބުމާއެކު އޭނާގެ ރަޙުމަތްތެރިން އޭނާ އާއި އެއްކޮޅަށް އަޑު އުފުލަން ފަށައިފިއެވެ. ޕާލްގެ ރަޙުމަތްތެރިން ބުނާ ގޮތުގައި އޭނާ އެފަދަ ކަމެއް ނުކުރާނެއެވެ. އޭނާ އާއި މެދު ދޮގު ތުހުމަތުތަކެއް ކުރަނީ އެވެ. ރަނގަޅަށް ތަހުގީކޮށް ބަލައިފިނަމަ، ޕާލް ގެ ކުށެއްނެތްކަން އެންމެންނަށް ވެސް އެނގޭނެ ކަމަށް ޝޯޝަލް މީޑިއާގެ އެކި ޕްލެޓް ފޯމް ތަކުގައި އޭނާގެ ރަޙުމަތްތެރިން ހާމަކުރަމުން އެބަ ގެންދެއެވެ.
