މަސްތުގެ ޙާލަތުގައި ހުރި މީހަކު މާލޭ ވިޔަފާރިވެރިންގެ މިސްކިތް ތެރެއިން ހައްޔަރުކޮށްފިއެވެ.
ފުލުހުން ބުނީ، ވިޔަފާރިވެރިންގެ މިސްކިތް ތެރޭގައި މަސްތުގެ ޙާލަތުގައި ހުރިކަމަށް ތުޙުމަތުކުރެވޭ މީހަކު ރޭ ދަންވަރު 1:35 ހާއިރު ފުލުހުންގެ ބެލުމުގެ ދަށަށް ގެނެސްފައިވާކަމަށެވެ.
މި މައްސަލައިގައި ފުލުހުން ހައްޔަރުކޮށްފައިވަނީ 34 އަހަރުގެ ފިރިހެނެކެވެ. މި މައްސަލަ އިތުރަށް ތަހުގީގު ކުރަމުންދާކަމަށްވެސް ފުލުހުން ވަނީ ބުނެފައެވެ.
މަސްތުވާތަކެތި ބޭނުން ކުރުމުގެ ކުށުގެ ރިކޯޑް އޮންނަ ކުށުގެ ވެށީގައި އުޅޭ މީހުންގެ ތެރެއިން ބޭނުމެއް ނެތި މިސްކިތްތަކަށް ވަދެ އަދި މަސްތުގެ ހާލަތުގައި ތިބި ކަމަށް ތުހުމަތުކުރެވޭ 15 މީހަކު މިމަހުގެ 13 ވަނަ ދުވަހުގެ ރޭވެސް ފުލުހުން ވަނީ ހައްޔަރުކޮށްފައެވެ.
