މުސްތަގްބަލްގެ މަސައްކަތްތެރި އާބާދީއާ މެދު ބިރު ހީވާން ފެށުމުން ބޭރު މީހުންނަށް ރަށްވެހިކަން ދޭން ދެކުނު ކޮރެއާއިން ވިސްނައިފިއެވެ. ދެކުނު ކޮރެއާއަކީ ދަރިމައިވުން ދަށަށް ގޮސްފައިވާ ގައުމެކެވެ.
ދެކުނު ކޮރެއާގެ މިނިސްޓްރީ އޮފް ޖަސްޓިސް އިން ދިގު މުއްދަތަށް ކޮރެއާގައި ދިރިއުޅެފައިވާ މީހުންނަށް ރަށްވެހިކަން ދިނުމުގެ ޚިޔާލަށް ހުޅުވާލުމުން މީހުން އެކަމަށް މަރުޙަބާ ކިއެވެ. އެގޮތުން ރަށްވެހިކަން ދޭން ޖެހެނީ، 3930 މީހުންނަށެވެ. ނަމަވެސް މިއަދަދުގެ ތެރޭން 3725 މީހުންނަކީ ކޮރެއާ މީހުންކަން އެނގުމުން މީހުން ވަނީ ސަރުކާރަށް ޕެޓިޝަން ހުށަހަޅައި މި ކަމާ ދެކޮޅު ހަދާފައެވެ. އަދި ޗެޓްރޫމްތަކުގައ ހުތުރުބަހުން ޗައިނާއާ ބެހޭ ގޮތުން ވާހަކަ ދައްކާފައެވެ.
ދެކުނު ކޮރެއާ އަކީ ގިނަ ޒަމާނެއް ވަންދެން ރަށްވެހިކަން ނުދީ ހިފަހައްޓައިފައިވާ ގައުމެކެވެ. 2000ގެ ތެރޭގައި ރަށްވެހިކަން ދީފައި ވަނީ 33 މީހަކަށެވެ. މިދިޔަ އަހަރު ރަށްވެހިކަން ދިނީ 14 ހާސް މީހަކަށެވެ. މީގެ ތެރޭންވެސް 58 އިންސައްތައަކީ ޗައިނާ މީހުންނެވެ. ދެން ތބީ ކަޒަޚިސްތާން، ޖަޕާން، ވިއެޓްނާމް ގެ މީހުންނެވެ.
ދެކުނު ކޮރެއާގައި 9 ލައްކައެއްހައި ޗައިނާ މީހުން ދިރިއުޅޭ ކަމަށް ބުނެއެވެ. ދެކުނު ކޮރެއާ މީހުން ބުނާ ގޮތުން އެމީހުންގެ ސަގާފީ ތަރިކައަކީ ޗައިނާގެ ތަރިކައެއް ކަމަށް ދައްކަން މަސައްކަތްކޮށް ސަގާފީ ހީލަތްތެރި އުކުޅުތަކެއް ޗައިނާއިން ގެންގުޅެއެވެ. ޗައިނާއިން ބުނާ ގޮތުގައި ދެކުނު ކޮރެއާގެ ކިމްޗީއަކީވެސް އަސްލުގައި ޗައިނާގެ އުފެއްދުމެކެވެ.
