ހަ ގަޑި އިރުގެ ދަތުރަކަށް ފަހު ޗައިނާގެ ސްޕޭސް ސްޓޭޝަނަށް އެގައުމުން އުދުއްސާލި ޖައްވީ އުޅަނދު ލަފައިފިއެވެ. ތިން މަސް ދުވަސް ވަންދެން ތިން ފަޅުވެރިން މި ސްޓޭޝަންގައި ގާއިމްވެ ތިބޭނެއެވެ.
މި ތިން ފަޅުވެރިންނަކީ، 56 އަހަރާއި 54 އަހަރާއި 45 އަހަރުގެ ތިން ފިރިހެނުންނެވެ. ކުރިއަށް އޮތް ދުވަސްތަކުގައި އަންހެނުން ސްޓޭޝަނަށް ފޮނުވުމަށްވެސް ހަމަޖެހިފައި ވެއެވެ. މިއީ ޗައިނާއިން ފުރަތަމަ ފަހަރަށް ޗައިނާގެ ޖައްވީ ސްޓޭޝަނަށް ފަޅުވެރިން ފޮނުވި ފުރަތަމަ ފަހަރެވެ.
މިމީހުންގެ މަސައްކަތަށް ވާނީ ބައެއް މަރާމާތުތައް ކުރުމާއި އަންނަ އަހަރު ގެންނަން ހަމަޖެހިފައިވާ ދެ ލެބޯޓްރީ މޮޑިއުލް ގެނައުމާ ގުޅޭ ތައްޔާރީތައް ކުރުމެވެ.
2003ން ފެށިގެން މިހާތަނަށް ޗައިނާއިން 14 މީހުން އެކި މިޝަންތަކުގައި ޖައްވަށް ފޮނުވާފައެވެ. ދެ އަންހެނުން ފިޔަވައި މިމިޝަންތަކުގައި ގޮސްފައިވާ އެންމެންނަކީ ފިރިހެނުންނެވެ.
މިއީ އެމެރިކާއާއި ރޫސީވިލާތް/ރަޝިޔާއަށް ފަހު ތިން ވަނައަށް މިފަދަ ކާމިޔާބީއެއް ޙާސިލުކުރި ގައުމެވެ. ޗައިނާއަކީ އިންޓަރނޭޝަނަލް ސްޕޭސް ސްޓޭޝަންގެ ބައިވެރިއެއް ނޫނެވެ. އެމެރިކާއިން ވަނީ ޗައިނާ ބައިވެރިކުރުމާ ދެކޮޅު ހަދާފައެވެ. ޗައިނާ ދަނީ ރަޝިޔާއެކު ޖައްވީ ރޮނގުން ގުޅުން ބަދަހި ކުރަމުންނެވެ.
