އިންޑިއާގެ މަހަރާޝްޓްރާ ސްޓޭޓްގައި ކޮވިޑް19ގެ ތިން ވަނަ ރާޅެއް އައުމާ ގުޅިގެން ފަހަރެއްގައި އަނެއްކާވެސް ފުރަ ބަންދަކަށް ގޮސްފާނެ ކަމުގައި އެ ސްޓޭޓްގެ ހެލްތު ޑިޕާޓްމަންޓުން ބުނެފިއެވެ. ރާއްޖެއަށް ދަތުރުތައް އޮންނަ މި ސްޓޭޓް އިން ދަނީ މަޑުމަޑުން ކޮވިޑްގެ ދަތި ފިޔަވަޅުތަކަށް ލުއި ދެމުންނެވެ. ނަމަވެސް ތިން ވަނަ ރާޅެއްގެ މަލަމަތި ފެންނަ ކަމަށް މަސްއޫލުވެރިން ލަފާ ކުރެއެވެ.
މަހަރާޝްޓްރާގައި އެކްޓިވް ކޮވިޑް ކޭސްތައް އަށް ލައްކަ އަށް އަރާނެކަމަށް ލަފާ ކުރެވެއެވެ. މިއިން ދިހަ އެއް އިންސައްތަ އަކީ ކުޑަ ކުދިންނެވެ.
