ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ކޮއްކޯފުޅު އަހުމަދު މުހައްމަދު ސޯލިހުގެ ޖަނާޒާއަށް އެމަނިކުފާނު މިއަދު ދުބާއީ އަށް ފުރާވަޑައިގެންފިއެވެ.
ރައީސް އޮފީހުގެ ތަރުޖަމާނު މަބްރޫކު އަޒީޒު ވިދާޅުވީ ރައީސް ސޯލިހު އަމިއްލަފުޅު ދަތުރެއްގައި މިއަދު ދުބާއީއަށް ފުރާވަޑައިގެންފައިވާ ކަމަށާއި އެނބުރި ރާއްޖެ ވަޑައިގަންނަވާނީ އަންނަ ބުދަ ދުވަހު ކަމަށެވެ.
ރައީސް ސޯލިހުގެ ކޮއްކޯފުޅު އަހުމަދު އަވަހާރަވީ ދުބާއީގައި ކެންސަރު ބައްޔަށް ފަރުވާ ހޯއްދަވަމުން ދަނިކޮށް ރޭގެ ވަގުތެެއްގައެވެ.
ރައީސް ސޯލިހުގެ އިތުރުން ޖަނާޒާގައި ބައިވެރިވުމަށްޓަކައި އާއިލާގެ ބައެއް ބޭފުޅުން ވެސް މިއަދު ދުބާއީއަށް ވަޑައިގެންނެވުމަށް ވަނީ ހަމަޖެހިފައިވެއެވެ.
