ތާރީޚްގެ ފުރަތަމަ ދެލި ކޮޕީ ތައްޔާރުކޮށް، ސިޔާސީ، ދީނީ ސަގާފީ، އިޖުތިމާއީ، އިގްތިސާދީ، ޢިލްމީ ތަޢްލީމީ، އަދި އެންޓަޓެއިންމެންޓާއި އިންފޯޓެއިންމެންޓްގެ މެސެޖް ގެނެސްދޭ ވަސީލަތާ މެދު އިދާރީ ފިޔަވަޅު އެޅުމަކީ ޑިމޮކްރެޓިކް އުސޫލެއް ނޫނެވެ. ރާއްޖޭގައި މީޑިއާގެ ގަވާއިދުތައް ނެތް ޒަމާނުގައި، އިންފޮމޭޝަން ޑިޕާޓްމެންޓާއި މިނިސްޓްރީން އެފަދަ އަމަލުތައް ކުރަމުން ދިއުމުން އެކަމަށް ފަހުން ވާނީ ފަރުވާއެއް ދީފައެވެ. އިދާރީ ފިޔަވަޅެއް ނޫސްވެރިއަކާއި މީޑިއާގެ ވަސީލަތަކާ ދެކޮޅަކަށް ނޭޅޭނެއެވެ.
މިއީ މިއަދުގެ މީޑިއާ މަސްރަހުގެ ހާދިސާތަކެވެ.
________________
މީޑިއާގެ ދިފާއުގައި ފުރަދަންވަރު ސަފުހަދައިގެން:
ހޮންކޮންގ ގައި ރައްޔިތުން ތިބީ ސަފު އަތުރައިލައިގެންނެވެ. މިމީހުން ސަފު ހަދައިގެން ތިބީ 26 އަހަރު ވަންދެން ހޮންގކޮންގައި ނިކުތް ދުވަހު ނޫސް ކަފުން ކުރުމަށް ތައްޔާރުވާތީ އެކަމާ ހިތާމަ ފާޅުކޮށް އެންމެ ފަހު އިހުތިރާމް އަދާ ކުރުމަށެވެ. އެޕަލް ޑެއިލީއިން ވަނީ ބުރާސްފަތި ދުވަހު ނެރުނު އެނޫހުގެ އެންމެ ފަހު އަދަދުގެ އެއް މިލިއަން ނޫސް ޝާއިއުކޮށްފައެވެ.
ޗައިނާގެ މިނިވަންކަން ނިގުޅައިގަތުމުގެ ހަމަތަކުގެ ސަބަބުން މިނޫސް ހިންގެން ނެތިގެން މިއަދަށްފަހު ނޫސް އަބަދަށްޓަކައި ބަންދުކޮށްލީއެވެ.
________________
މީޑިއާ ރިޕޯޓް ފެނިގެން، ފީފިނި މޮހުނު ތަނާ ހައްޔަރު ކުރަން އުޅުން:
އިންޑިއާގެ އުއްތުރަ ޕްރަދޭޝްގެ ބާރާބަންކީގެ މިސްކިތެއް ސަރުކާރުގެ އިސް މުވައްޒަފުންގެ އިރުޝާދަށް ތަޅައި ބިމާ ހަމަކޮށްލުމަށްފަހު މިސްކިތުގެ ގައުތައް ކޯރަށް އަޅާލި މައްސަލަ ރިޕޯޓް ކުރި ނޫސްވެރިންނާއި މީޑިއާއާ ދެކޮޅަށް ޖިނާއީ ތަހުގީގު ހިންގުމަށް ޔޫޕީގެ ފުލުހުން ވޮރެންޓް ނެރެފިއެވެ.
މި ޖިނާއީ ތަހުގީގު ހިންގަނީ މަޝްހުރު ނޫސްވެރިއާ ކަރަން ތާޕާ ހިންގާ ދަ ވަޔަރ ނޫހާއި އެނޫހުގެ ނޫސްވެރިންނާ ދެކޮޅަށެވެ.
އެހެން ހާދިސާއެއްގައި އިންޑިއާގެ އުއްތުރަ ޕްރަދޭޝްގެ ޣާޒީއާބާދުގައި މުސްލިމު އަބްދުއްސަމަދު ކިޔާމީހަކު ލައްވައި ދޭވަތާއިންގެ ނަންތައް ގޮއްވައި ގަދަކަމުން އޭނާގެ ތުބުޅި ބޭލި މައްސަލަ ރިޕޯޓް ކޮށްގެން ނޫސްވެރިންނާއި ޓުއިޓާއާ ދެކޮޅަށް ޖިނާއީ ތަހްގީގެއް ހިންގަން އުޅުމުން ކަރްނާޓަކާ ހައިކޯޓުން އިއްޔެ ވަނީ ޓުއިޓާގ އިންޑިއއާގެ މެނޭޖިންގ ޑައިރެކްޓަރ މަނީޝް މަހޭޝްވަރީ ހައްޔަރު ނުކުރުމަށް އަންގާފައެވެ.
________________
މީޑިއާ ޖުރިމާނާ ކޮށްލީ އަރާއިރަށް ދިޔަ ވަގުތު:
އުޒުބަކިސްތާންގައި ނުކުންނަ ދެ ނޫހެއް ބޮޑު އަދަދަކުން ޖުރުމާނާ ކުރުމުން ބައިނަލްއަގްވާމީ ކޮމިޓީ ޓު ޕްރޮޓެކްޓް ޖަރނަލިސްޓުން ވަނީ މި ޖުރިމާނާ ކުރުމާ މެދު އަލުން ވިސްނުމަށް އުޒްބެކް ސަރުކާރަށް ގޮވާލާފައެވެ.
މިމީޑިއާ ޖުރިމާނާ ކުރީ، ސަރުކާރުންގެ ދީނީ އިދާރާއަށް ދެއްކުމަކާ ނުލައި އަދި ހުއްދަ ނު ހޯދައި ދީނީ މަޒުމޫނުތައް ޝާއިއުކޮށްގެންނެވެ. ކައުން އާއި އާޒާން ނޫސް ޖުރިމާނާ ކޮށްފައި ވަނީ އުޒުބެލް ފައިސާގެ އެތައް މިލިއަނުންނެވެ.
އުޒުބެކް ސަރުކާރުގެ ފަރާތުން މި ދެ ނޫހާ ދެކޮޅަށް މައްސަލަ ޖެއްސީ އެގައުމުގެ ދާޚިލީ ވުޒާރާގެ ދަށުން ހިންގާ އެންޓި ޓެރަރިޒަމްއާއި އެންޓި އެކްސްޓްރީމިޒަމް ގެ ކަންކަން ބަލަހައްޓާ ޑިޕާޓްމަންޓުންނެވެ.
މިއިން އެއް ނޫހެއް ކުށްވެރިވީ ނިއުޒިލެންޑްގެ އަންހެން ފުލުހުންނަށް ބުރުގާ އެޅުމަށް ހުއްދަ ދީ، އެ ހެދުން ޔުނިފޯމަށް އިތުރު ކުރި ޚަބަރު ޝާއިއުކޮށްގެންނެވެ.
އުޒުބެކިސްތާންގައި މީޑިއާއިން މިފަދަ ކަންކަން ތަކުރާރު ކުރާނަމަ، ބުރަ މަސައްކަތާއެކު ފަސް އަހަރަށް ޖަލަށް ލެވޭނެއެވެ.
________________
މީޑިއާ ޖުރިމާނާ ކޮށްލީ މެންދުރުން އެނބުރި ތަނާ:
މެންދުރުން އެނބުރި އިރު ރާއްޖޭގެ މީޑިއާގައި ކަންބޮޑު ވުން ފާޅުކޮށްފައި ވަނީ ޚަބަރެއް ޝާއިއު ކޮށްގެން އިދާރީ ފިޔަވަޅެއްގެ ގޮތުން ސަރުކާރު އިދާއަކުން މީޑިއާ ޖުރިމާ ކުރި މައްސަލައެއްގައެވެ.
ނޫސްވެރިން ސިފަ ކުރިގޮތުގައި މިއީ ޑިމޮކްރެސީއާ ބީރައްޓެހި އަމަލެކެވެ.
އަދި ޚިޔާލަށް ގެނެވުނީ ޚަބަރު ލިޔެގެން މިނިސްޓްރީ ތަކަށް ހާޒިރުކޮށް ސުއާލު ކުރެވުނު މާޒީގެ އަހަރުތައް މަތިންނެވެ.
________________
ލިޔުންތެރިއެއްގެ ތަޢްޒިއާއަށް އިރާދަންފަޅި:
ކްލަބް ހައުސްގައި ލިޔުންތެރިންނާއި ބައެއް ނޫސްވެރިން ވަނީ މިއަދު އަޅުގަނޑުމެންނަށް ގެއްލިގެން ދިޔަ ލިޔުންތެރިއެއް ކަމުގައިވާ މުހައްމަދު ނަސީރު (މާޅޮހު ނަސީރު) ގެ ހަނދާންތައް އައުކޮށް ތަޢްޒިޔާ ކިޔާފައެވެ. އޭނާ ވަނީ ދިވެހި ބަހާއި ތާރީޚްގެ ރޮނގުން ގިނަ ލިޔުންތަކެއް ލިޔެފައެވެ.
