ޕާކިސްތާނަކީ ޗައިނާގެ ވަރަށް ގާތް ގައުމެކެވެ. ނަމަވެސް ޕާކިސްތާންގެ ސިޔާދަތު ދެމެހެއްޓުމަށްޓަކައި ޕާކިސްތާންގައި ޗައިނާ މީހަކު ގައިދާ ޚިލާފަށް އުޅެފިނަމަ އެމީހާ ހައްޔަރު ކުރާކަށް ފަހެއް ނުޖެހެއެވެ.
ކަރާޗީގައި ހައްޔަރު ކޮށްފައިވާ ޗައިނާ ދެމީހުން ހައްޔަރުކޮށްފައި ވަނީ އެމީހުންގެ 30 ދުވަހުގެ ބިޒްނަސް ވިސާ ހަމަވެގެންވެސް އިތުރަށް އެމީހުން ޕާކިސްތާންގައި ތިބުމުންނެވެ.
ޕާކިސްތާންގެ ފެޑެރަލް އިންވެސްޓިގޭޓިވް އެޖެންސީން ބުނިގޮތުގައި މި ދެމީހުންގެ ތެރޭން އެކަކަކީ 2017 ން ފެށިގެން އަދި އަނެއް މީހާއަކީ 2019 އިން ފެށިގެން ޕާކިސްތާންގައި އުޅެމުން އަންނަ މީހެކެވެ.
މީގެއިތުރުން ތަހުގީގު ކުރުމުން އެނގުނީ މި ދެމީހުން އެތެރެވެފައި ވަނީވެސް ވަގު ޑޮކިއުމެންޓްތަކެއް ބޭނުން ކޮށްގެން ކަމަށެވެ. މި ދެމީހުންނާ ބެހޭ ގޮތުން އިތުރަށް ބަލަމުންދާ ކަމަށް އިންވެސްޓިގޭޓިވް އެޖެންސީން ބުނެއެވެ.
