ކަޝްމީރުގައި އިންޑިއާގެ ވައިގެ ސިފައިންގެ މަރުކަޒަކަށް މިއަދު ފަސް މިނެޓްގެ ދުރުގައި ދެ ހަމަލަ ދީފިއެވެ. ފުލުހުން ބުނިގޮތުގައި ހައި ސެކިއުރިޓީ އޭރިއާއަކަށް މެންދަމު ދީފައިވާ ހަމަލާގައި ސިފައިންގެ ދެ މީހަކަށް އަނިޔާތަކެއް ވެފައިވެއެވެ. މި ހަމަލަ ދީފައި ވަނީ ޑްރޯން ބޭނުންކޮށްގެން ކަމަށް ބެލެވެއެވެ.
ފުރަތަމަ ހަމަލާ އަމާޒުކޮށްފައި ވަނީ ސިފައިން ތަކެތި ރައްކާކޮށްފައިވާ ތަނެއްގެ ފުރާޅަށެވެ. އަދި ދެވަނަ ހަމަލާ ބިމަށެވެ. މި ހަމަލަ ތަކަކީ ބާރުގަދަ ގޮވާތަކެތި ބޭނުން ކޮށްގެން ދީފައިވާ ހަމަލައެއް ނޫންކަމުން ބޮޑު ގެއްލުމެއް ލިބިފައެއް ނުވެއެވެ.
މިހަމަލާގެ ސަބަބުން ޖައްމޫ ކަޝްމީރުގެ އެއަރޕޯޓްގެ އޮޕަރޭޝަނަށް އަސަރެއް ނުކުރެއެވެ. ޝެޑިއުލް ކޮށްފައިވާ ގޮތަށް ވައިގެ ދަތުރުފަތުރު ކުރަމުން ދެއެވެ.
