އިނގިރޭސިވިލާތުގައި ހެލްތު ސެކްރެޓަރީގެ މަގާމަށް ސާޖިދު ޖާވިދު އައްޔަން ކުރުމަށް ބޮޑު ވަޒީރު ބޮރިސް ޖޯންސަން ނިންމަވައިފިއެވެ. ޖާވިދު މިމަގާމަށް އައްޔަން ކުރެވެނީ، ކުރީގެ ހެލްތު މިނިސްޓަރ އޭނާގެ ސެކެޓްރީއަށް ދޮން ދެނިކޮށް ނަގާފައިވާ މަންޒަރުތައް މީސްމީޑިއާގައި އާންމުވެގެން އިސްތިއުފާ ދެއްވުމާ ގުޅިގެންނެވެ.
ސާޖިދު ޖާވިދުއަކީ ކުރިން ހޯމް ސެކެޓްރީކަން ކުރައްވާފައިވާ ބޭފުޅެކެވެ. އަދި އޭނާ ވަނީ ޗާންސެލަރގެ މަގާމުވެސް ފުރުއްވާފައެވެ. އޭނާއަކީ ސަރުކާރުގައި ފުރިހަމަ ތަޖުރިބާ ލިބިފައިވާ ބޭފުޅެއްކަމަށް ބެލެވެއެވެ.
ޖޯންސަންގެ ސަރުކާރުގައި އުޅުއްވުމަށްފަހު އޭނާ އިސްތިއުފާ ދެއްވީ މީގެ 16 މަސް ކުރިންނެވެ.
