އީރާނުން އަމިއްލައަށް އުފައްދާ ފައިވާ ވެކްސިން އެގައުމުގައި ކުއްލި ހާލަތުގައި ބޭނުން ކުރުމަށް ހުއްދަ ދިނުމާއެކު ބޭނުން ކުރަން ފަށައިފިއެވެ. އީރާނުގެ ރޫޙާނީ ލީޑަރު އާޔަތުﷲ ޢަލީ ޚާމަނާއި ވަނީ އިއްޔެ މިވެކްސިން ޖައްސަވާފައެވެ. އޭނާ ވިދާޅުވިގޮތުގައި އޭނާ މަޑުކުރައްވައިގެން ހުންނެވީ އަމިއްލަ ގައުމުން ވެކްސިނެއް އީޖާދު ކުރަން ދެންނެވެ.
އަލީ ޚާމަނާއީ ވަނީ ހުޅަނގުން އުފައްދާ ވެކްސިން އީރާނަށް އެތެރެކުރުން މަނާ ކުރައްވާފައެވެ.
އީރާންގެ ވެކްސިން އުފައްދާފައި ވަނީ ޝިފާފަރްމާމެޑް އިންނެވެ. މި ވެކްސިންނަށް ނަން ދީފައި ވަނީ"ކޯވިރާން ބަރަކާތު" ވެކްސިންގެ ނަމުންނެވެ. މީގެ އިތުރުން އެހެން އަމިއްލަ ވެކްސިންއެއްވެސް އީރާންގައި ދާދި އަވަހަށް ބޭނުން ކުރަން ފަށާނެ ކަމަށް ބުނެއެވެ.
މި ވެކްސިންގެ ބާރާ ބެހޭ ގޮތުން މަޢްލޫމާތު ހާމަކޮށްފައެއް ނުވެއެވެ. ބައެއް ފަރާތްތަކުން އަންދާސާ ކޯށްފައި ވަނީ މީގެ ބާރު 85 އިންސައްތައިގައި އުޅޭނެ ކަމަށެވެ.
