ނަފްސާނީ ބަލިތަކަށް ފަރުވާދޭ ޚާއްސަ ޑޮކްޓަރުން ރާއްޖޭގައި މަދު ކަމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ބުނެފި އެވެ.
އެ ކޮމިޝަނުން މިހެން ބުނީ ދިވެހި ޗެނަލްގެ "ހަވާސާ" ޕްރޮގްރާމްގައި ވާހަކަ ދައްކަމުން ނެވެ.
އެޗްއާރްސީއެމް އިން ބުނީ އިޝޫއަކީ އެވަލިބިލިޓީ އެންޑް އެސެސިބިލިޓީ އެކަނި ނޫން ކަމަށާއި މެންޓަލް ހެލްތާއި ގުޅިގެން އޮންނަ ސްޓީގްމާ އާ ހެދި، ފަރުވާ ހޯދުމަށް ޖެހިލުންވާ ކަމަށެވެ. އަދި މެންޓަލް ހެލްތު ސިގްމާއަކީ ވެސް ނަފްސާނީ ފަރުވާ ހޯދަން ޖެހިލުންވާ ކަމެއް ކަމަށެވެ.
މީގެ އިތުރުން ނަފްސާނީ ފަރުވާ ނުލިބުނުު ވަރަށް ގިނަ ފަރާތްތަކުން ޓްރޭޑިޝަނަލް މެތޮޑްސް (ފަންޑިތަ ހެދުން ކަހަލަ) ބޭނުންކުރާ ކަމަށް ވެސް އެ ކޮމިޝަނުން ފާހަގަކޮށްފައި ވެއެވެ.
އެޗްއާރްސީއެމް އިން ބުނީ މެންޓަލް ހެލްތުގެ ޚިދުމަތް އަތޮޅުތެރޭގައި ލިބެން ނެތުމަކީ ވަރަށް ބޮޑު ކަންބޮޑުވުމެއް ކަމަށެވެ. އަދި ނަފްސާނީ ބައްޔަށް މުޖުތަމަޢު ހޭލުންތެރި ކުރުވުމަކީ ހުރިހައި އިދާރާތަކެއް ގުޅިގެން ކުރެވޭނެ މަސައްކަތެއް ކަމަށެވެ.
