އިންޑިއާއިން އަލަށް ޓެސްޓް ކޮށްފައިވާ ޕިނާކާ މިސައިލް އަކީ 45 ކިލޯމީޓަރު ދުރުގައި ހުންނަ އަމާޒުތައް ކާމިޔާބު ކަމާއެކު ހަލާކު ކޮށްލާ ޒާތުގެ އައު ވައްތަރެއްގެ މިސައިލެއް ކަން މި ހަފްތާގައި ހަދާފައިވާ ޓެސްޓްތަކުން ސާބިތުކޮށްދީފިއެވެ. މި މިސައިލްގެ ޓެސްޓްތައް ދައްކާލުން އޮތީ ޗަންދީޕޫރްގައި މި ހަފްތާގައެވެ.
އިންޑިއާގައި އަމިއްލައަށް އުފައްދާފައިވާ މަލްޓިބެރަލް ރޮކެޓް ލޯންޗަރ މިސައިލް ވަނީ އިތުރަށް ތަރައްގީ ކުރެވިފައެވެ. މި މިސައިލުން 45 ކިލޯމީޓަރުގެ ދުރުމިނުގައި ހުންނަ އަމާޒުތަކަށް ފޯރައެވެ.
މި މިސައިލް އުފައްދާފައި ވަނީ ޕޫނާގެ އާރމަމެންޓް ރިސަރޗް އެންޑް ޑިވެލޮޕމެންޓް އެސްޓެބްލިޝްމެންޓް އާއި ހައި އެނަރޖީ މެޓީރިއަލްސް ރިސަރޗް ލެބޯޓްރީއާއި ނާގްޕޫރުގެ އިކޮނޮމިކް އެކްސްޕްލޯސިވްސް ލިމިޓެޑްގުޅިގެންނެވެ.
މި ވައްތަރުގެ ރޮކެޓް އެންމެ ފުރަތައަށް ބޭނުން ކޮށްފައި ވަނީ ކަރްގީލް ހަނގުރާމައިގައެވެ. އިންޑިއާގައި މި ވައްތަރުގެ މިސައިލްގެ ފަސްހާސް މިސައިލް އަހަރަކު އުފައްދައެވެ.
