އުމުރުން 11 އަހަރުގެ އަންހެން ކުއްޖަކު އިނގިރޭސިވިލާތުގައި ވިހައިފިއެވެ. މީޑިއާއިން ސިފަ ކުރިގޮތުގައި މިއީ އިނގިރޭސިވިލާތުގެ ތާރީޚްގައި މިހާ ހަގު އުމުރެއްގައި ވިހެއި ފުރަތަމަ އަންހެން ކުއްޖާއެވެ.
ދަ ސަން ނޫހުން ބުނިގޮތުގައި ކުއްޖާ ބަލިވެ އިން އިރު އުމުރަކީ 10 އަހަރެވެ. އޭނާ ވިހައިފައި ވަނީ 30 ހަފްތާ ފަހުންނެވެ.
ކުއްޖާގެ އާއިލާއިން ބުނެފައި ވަނީ އެމީހުންގެ ދަރިފުޅު ބަލިވެ އިންކަން އެމީހުންނަށް އިހުސާސެއް ނުކުރެވުނު ކަމަށެވެ.
އިނގިރޭސިވިލާތުގެ އިޖުތިމާއީ ޚިދުމަތުގައި އުޅޭ އިދާރާއިން ދަނީ މައްސަލަ ތަހުގީގު ކުރަމުންނެވެ.
މީގެ ކުރިން އިނގިރޭސިވިލާތުގައި އެންމެ ހަގު އުމުރުގައި ވިހެއި ކުއްޖާއަކީ 2006 ގައި ވިހެއި އުމުރުން 12 އަހަރުގެ ކުއްޖެކެވެ. މިކުއްޖާ ބަލިވެ ބެއިންދީ އުމުރުން 13 އަހަރުގެ ސޮރެކެވެ.
