ފަލަސްތީނު ފުލުހުންގެ އުނދަނގުލުން ސަލާމަތް ކޮށްދިނުމަށް އެދި ފަލަސްތީނުގެ ނޫސްވެރިން ބައިނަލްއަގްވާމީ އެހީއަށް އެދެފިއެވެ. އިއްޔެ ރާމަﷲގައި އދގެ އޮފީސް ކުރިމަތީގައި ބާއްވާފައިވާ އެއްވުމުގައި އެމީހުން ވަނީ، ނިޒާރު ބަނާތުގެ މައްސަލާގައި ފުލުހުން އުނދަގޫ ކުރަމުންދާ ކަމަށްވެސް ބުނެފައެވެ.
ނިޒާރު ބަނާތު، ފުލުހުންގެ ބަންދުގައު މަރާލި މައްސަލާގައި ތަހްގީގު ކުރިއަށް ދާކަމަށް ޖަސްޓިސް މިނިސްޓަރ އިއްޔެ ވިދާޅުވިއެވެ. އަދި މި ތަހްގީގު ފުޅާކޮށް ރިޕޯޓް އަވަސް ކޮށްދިނުމަށް ވެސް ރައީސް މަހްމޫދު އައްބާސް ވަނީ ވިދާޅުވެފައެވެ.
ފަލަސްތީނު ރައްޔިތުންވެސް ދަނީ ނިޒާރު ބަނާތު ފުލުހުން މަރާލި މައްސަލާގައި މަގުތަކަށް ނިކުމެ މުޒާހަރާ ކުރަމުންނެވެ. މީހުން ދަނީ މަހްމޫދު އައްބާސް އިސްތިއުފާ ދެއްވުމަށް ގޮވައިލަމުންނެވެ.
