ނޭޕާލާއި ޗައިނާ ރޭލްގެ މަގުން ގުޅާލުމަށް ޗައިނާއިން އަށް ބިލިއަން ޑޮލަރު ދޭން ނިންމައިފިއެވެ. މި ރޭލް ދަތުރު ކުރާނީ، ހިމާލިޔާ ސަރަހައްދުންނެވެ. ހިމާލިޔާގެ ރައްކާ ކުރެވިފައިވާ ސަރަހައްދެއްގެ ތެރޭން ނޭޕާލުން ޓިބެޓަށް މި ރޭލް ގުޅާލަން ޖެހޭތީ އިންޖިނިއަރުން ދަނީ މިކަމާ ގުޅޭ ދިސާރާތައް ކުރަމުންނެވެ.
އިންޖިނޭރުން ބުނާ ގޮތުގައި ނޭޕާލުން ޗައިނާ ސަރަހައްދު ހުރަސް ކުރެވޭނީ ހިމާށލިޔާ ފަރުބަދަ ކޮނެގެން ބިމު އަޑީ މަގަކުން ލައިގެންނެވެ. މިކަން ކުރެވެން އޮތީ ހަ ހިސާބަކުންނެވެ. މިހުރިހައި ތަނަކީވެސް ނާޒުކު ތިމާވެއްޓެއް އޮންނަ ސަރަހައްދެއްކަމުން، އިތުރު ދިރާސާތައް ހަދަން ޖެހޭ ކަމަށެވެ.
ނޭޕާލުން ދަނީ ޗައިނާއާއެކު ގާތް ގުޅުމެއް ބާއްވަމުންނެވެ. އެކަމަކު ނޭޕާލްގެ އެންމެ ބޮޑު ވިޔަފާރީގެ ބައިވެރިއަކީ އިންޑިއާއެވެ. އިންޑިއާއާއެކު އަހަރަކު އަށް ބިލިއން ޑޮލަރުގެ ވިޔަފާރި ކުރެވެއެވެ. މިއާ ޚިލާފަށް ޗައިނާއާއި ނޭޕާލްގެ ވިޔަފާރި އުޅެނީ 20 މިލިއަން ޑޮލަރުގައެވެ.
ނޭޕާލަކީ، އޭޝިއާގައި އުތުރު ކޮރެއާއަށްފަހު ދެވަނައަށް އެންމެ ފަގީރު ގައުމެވެ.
