ސެލްފީ ނަގަން އުޅުމުގެ ތެރޭގައި މީހުން މަރުވާތީ އަދަބު ދިނުމަށް ނިންމައިފިއެވެ. އިންޑިއާގެ ގުޖުރާތު ސްޓޭޓްގައި ބައެއް ފަތުރުވެރި ސަރަހައްދުތަކުގައި ސެލްފީ ނެގުން ވަނީ މަނާ ކޮށްފައެވެ. ގުޖުރާތަކީ ދުނިޔޭގެ ސެލްފީ މަރުގެ ކެޕިޓަލްއެވެ.
ސެލްފީ ނަގަން އުޅުމުގެ ތެރޭގައި އިންޑިއާއިން މަރުވާ މީހުންގެ އަދަދު، އިންޑިއާގައި މިޔަރު ހަމަލަ ދިނުމުން މަރުވާ މީހުންގެ އަދަދަށް ވުރެން ފަސް ގުނަ އިތުރު ކަމަށް މީޑިއާ ރިޕޯޓް ކުރެއެވެ.
ގުޖުރާތުގެ ހިލް ސްޓޭޝަންގައި ސެލްފީ ނެގުން މަނާކޮށްފައިވާ އިރު މިތާގައި ސެލްފީ ނަގައިފިނަމަ 200 ރުޕީސް އިން ޖުރިމާނާ ކުރެވޭނެއެވެ. ނުވަތަ މަސް ދުވަހަށް ޖަލަށް ލެވޭނެ އެވެ.
އިންޑިއާގެ ފެމިލީ މެޑިސިން އެންޑް ޕްރައިމަރީ ކެއަރ އިން ބުނާ ގޮތުން ފަސް އަހަރު ގެ ތެރޭގައި ސެލްފީ ނަގަން އުޅުމުގައި 259 މަރު ރިޕޯޓް ކޮށްފައި ވެއެވެ.
