އިންޑިއާއިން އުފައްދާފައިވާ އެސްޓްރާ ޒެނެކާގެ ވެކްސިން ޔޫރަޕުން ހުއްދަ ދީފައިނުވާ ލިސްޓްގައި ހިމެނުމުން އެމައްސަލާގައި ވިލާތު އިއްތިހާދުގެ މަސްއޫލުވެރިންނާއެކު އިންޑިއާގެ ޚާރިޖީ ވަޒީރު ޑރ. ޖަޔަޝަންކަރު އިޓަލީގައި މަޝްވަރާތައް ބާއްވަވައިފިއެވެ. އޭނާ އިޓަލީވިލާތަށް ވަޑައިގަތީ، ޖީ20ގެ ގައުމުތަކުގެ ބައްދަލުވުމުގައި ބައިވެރިވެ ވަޑައިގަތުމަށެވެ. އެސްޓްރާ ޒެނެކާ ވެކްސިން އިންޑިއާގައި އުފެއްދުމަށްފަހު އެއަށް ނަންދީފައި ވަނީ ކޮވިޝީލްޑްގެ ނަމުންނެވެ.
ޔޫރަޕު އިއްތިހާދުން ނިންމާފައިވާ ގޮތުން ހަތަރު ވެކްސިނެއް ޖަހާފައިވާ މީހުންނަށް އިއްތިހާދުގެ ގައުމުތަކުގެ މެދުގައި ފަސޭހަކަމާއެކު ދަތުރު ކުރެވޭނެއެވެ.
ޔޫރަޕްގެ ޖަމާއަތުން ކޮވިޝީލްޑާ ބެހޭ ގޮތުން ބުނެ ފައިވަނީ އެ ވެކްސިން ޖަމާއަތުގެ ލިސްޓުގައި ހިމެނުމަށް އަދި އެދިފައި ނުވާ ކަމަށެވެ. އަދި އެފަދަ ހުށަހެޅުމެއް އައުމުން އެކަމާ ގެން ކުރިއަށްދާނެ ކަމަށެވެ.
އިންޑިއާގައި ސެރަމް އިންސްޓިއުޓްގެ ވެރިޔާ އާދާރް ޕޫނޭވާލާ ވިދާޅުވީ، ސެރަމް އިންސްޓިއުޓުންވެސް މިކަން މަތީ ފެންވަރުގައި ނަގައިގެން ޔޫރަޕްގެ ވެކްސިންގެ ލިސްޓްގައި ހިމެނުމަށް މަސައްކަތް ކުރާނެ ކަމަށެވެ.
