އިންޑިއާގައި ކޮވިޑް ޖެހިގެން މަރުވެފައިވާ މީހުންގެ އާއިލާތަކަށް މާލީ އެހީތެރިކަން ފޯރުވައި ދިނުމަށް އިންޑިއާ ސުޕްރީމް ކޯޓުން އަންގައިފިއެވެ. ސުޕްރީމް ކޯޓަށް ދެ ވަކީލަކު ހުށަހަޅާފައިވާ ދައުވާ އަޑުއެހުމަށްފަހު ބުނެފައި ވަނީ ކުއްލި މަރުގައި މީހުންނަށް ބަދަލު ދިނުމަށް ސަރުކާރުން އެކުލަވާލާފައިވާ އުސޫލުތަކާ އެއްގޮތަށް، ކޮވިޑް ޖެހިގެން މަރުވެފައިވާ މީހުންނަށް ބަދަލު ދިނުމަށެވެ. އަދި ހަ ހަފްތާ ތެރޭގައި މިކަން ކުރުމަށެވެ. އަދި މަރުވެފައިވާ މީހުން މަރުވި ސަބަބުވެސް ސަރުކާރުން ރަސްމީ ލިޔުމެއްގައި އާއިލާތަކަށް ދިނުމަށެވެ.
ސުޕްރީމް ކޯޓުގެ ތިން ފަނޑިޔާރުންގެ ބެންޗަކުން ބުނެފައި ވަނީ މި ބަދަލު ދިނުމަކީ، ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީން ކުރަން ޖެހޭނެ ކަމެއް ކަމަށެވެ. އަދި އެފަރާތަށް މިކަން ނުކުރެވެނީނަމަ، އެއިދާރާއަށް އެފަރާތުގެ ޒިންމާ އަދާ ނުކުރެވެނީ ކަމަށެވެ.
އިންޑިއާގައި ކޮވިޑް ޖެހިގެން މަރުވިކަމަށް ބެލެވޭ މީހުން ގެ ގަބުރު ވަނީ އަންދައިލައިފައެވެ. ނުވަތަ ކޯރަށް އަޅާފައެވެ. ވަކީލުންވެސް ކޯޓުގައި ބުނިގޮތަށް، މިމީސްމީހުންގެ ޕޯސްޓްމޯޓަމްއެއް ހެދިފައެއް ނުވެއެވެ.
