ކަޝްމީރުގައި އިންޑިއާ ސިފައިންގެ ވައިގެ މަރުކަޒަކަށް ޑްރޯން ބޭނުންކޮށްގެން ބޮން އެޅުމާ ގުޅިގެން އިންޑިއާގައި މަދަނީ ބޭނުންތަކަށް ޑްރޯން ބޭނުންކުރުމާ ބެހޭ ގޮތުން މަޝްވަރާތައް ބާއްވައިފިއެވެ.
އިންޑިއާގެ ފުލުހުންނާއި ސިފައިން ބޭނުން ވަނީ މަދަނީ ބޭނުންތަކަށް ޑްރޯން ބޭނުން ކުރުން ހަރުކަށި ކުރުމަށެވެ. އެގޮތުން ޑްރޯން އުދުއްސުން މަނާ ޒޯންތަކެއް ކަނޑައެޅުމަށާއި ބައެއް ޙައްސާސް މަރުކަޒު ތަކާއި 80 އާއި 100 ކިލޯ މީޓަރު ހިމެނޭ ގޮތަށް މަނާ ޒޯނެއް ކަނޑައަޅައި ބޭއްވުމަށްވެސް ބޭނުން ވެއެވެ.
އިންޑިއާގެ ބޮޑު ވަޒީރުގެ ބައްދަލުވުމުގައި ދިފާއީ ވަޒީރާއި ދާޚިލީ ވަޒީރާއި ގައުމީ ސަލާމަތާ ބެހޭ އިދާރާއިން ބައިވެރިވިއެވެ.
އިންޑިއާގައި ޑްރޯން ހިމަނާފައި ވަނީ މީހަކާ ނުލައި ދުއްވާ އުދުހޭ ބޯޓުގެ ގިންތީގައެވެ. އިންޑިއާގެ ސިވިލް އެވިއޭޝަނުން ވަނީ އަންމޭންޑް އެއަރކްރާފްޓް ރޫލްސް2021ގެ ނަމުގައި ގަވާއިދެއްވެސް ގެޒެޓް ކޮށްފައެވެ.
